我其實是有小嚇到。
這種程度的情慾描寫，要是發生在李碧華手中，切！小Case！但這位可是亦舒大師耶！貪戀男體的大多只能擔任配角，還要沒有好下場那種，女角不都（只能）永遠的瘦削地穿起米色麻質長褲配白色襯衣？（咳，少女期我真的好一陣子沉迷白衣及米色長褲，哇塞！那多有氣質！）
對此，我不反感，但只是好奇地想：這該是一種前進，還是一種後退？這種改變是挑戰自我，還是妥協？看了十多年的亦舒，要再尋求當年看《喜寶》、《阿修羅》或《玫瑰的故事》的那種喜悅得起雞皮疙瘩、那種忘我地陷入書中的一字一句、那種讀畢後再三回味細看的感覺，已太強人所難，繼續永不放棄地閱讀，是因為她永不放棄地寫作，如果說「爛船三斤釘」，那她那「三斤釘」已足稱后。
《佩鎗的茱麗葉》一如以住的流暢，故事內容亦是一如以住。也無問題，去麥當奴吃魚柳飽就是期望著那魚柳飽的味道，熟悉而習慣的味道；攦點鹽花，正如期間限定的shake shake薯條，新鮮有趣。
雖然我真的有點小嚇到。
發表文章
咁係咪佩鎗的茱麗葉有落鹽呀?等我買本番黎shake吓佢先。我重停留係亦舒嘅喜寶, 玫瑰的故事時期。果時最估唔到朝花夕拾係咁科幻嘅。
回覆刪除Liar Game日本做緊映画。我第2季開動中。
[版主回覆03/29/2010 10:35:00]一心黎打邊爐既會後悔喎，烚極都係得菜同生根咋！
係，當年我都係比朝花夕拾既科幻嚇親，你唔講我都差ｄ唔記得。
而家ｄ劇成日結局搬上大銀幕，係可以賺多ｄ，但係我覺得根本唔夠篇幅將果故事講完！Nodame就係咁！如果有睇書／動漫，就會知道ｃｕｔ左好多．．．
你先追到season II？加油．．．
這個年代，人人都嗜「咸」，大師亦不得不順應這俗流吧！ 什麼都「咸」，使我懷念以前的淡。
回覆刪除[版主回覆03/29/2010 10:52:00]唔，其實以前都唔見得好淡既，正如我話李碧華，佢好重口架！
是嗎？我不是小說迷，但我幾喜歡看李碧華在雜誌上的專欄。
回覆刪除[版主回覆03/30/2010 12:33:00]李碧華亦係我好喜歡的一位女作家，我鐘意佢夠辣，而且係資料蒐集專家。
Sorry我miss左你呢個留言。
自己咁多年只係睇過一本亦舒的小說，當年只係覺得佢d文章有少少無病呻吟，所以後來都冇試睇過佢的小說。 你睇書的速度好似好高呢！可以不斷寫書評。
回覆刪除[版主回覆03/30/2010 12:31:00]其實我仲有好多書冇寫，大部分書既都果種未差到要寫衰佢黎洩忿，又唔會好到要寫出黎公諸同好，所以大部書我都冇寫。書蟲，我認我係。
噢，亦舒大師算係咁架啦，去睇睇瓊瑤姨既作品，才是無病呻吟既師匠級演繹。
btw, 歡迎光臨。