Related Posts with Thumbnails

Pages

2010年3月18日

日購:日遊必買「釜飯之素(釜めしの素)」(with不必要之教學)


 


每年兩次的日遊,我一定會把圖中這種釜めし(かまめし)之素以半年份量買入。香港不是沒有,無印良品、City’super、Sogo、吉之島等等的都有售,只是那種開天殺價真的把我嚇死!我見過在Sogo它居然有臉標價五十多元,同品牌我在日本只花300yen不到!!幾乎貴近一倍!


言歸正傳,有了這盒「釜飯之味」,懶人如我也能好好的吃頓正正經經的飯了。何為「釜飯」,那是先把醬油調味料調進生米中,再在其上加放上菇類、雞肉等,之後把它們放入一人用鐵製烹具煮熟,其實就似我們的煲仔飯。而「釜飯之味」就是模擬釜飯的味道,打開其中便會見到已調好味道的荀、菇、雞肉等等,把它們放進電飯煲中,煮好便能吃了。



〔圖:自Wiki


懶人煮法,電飯煲都開了,當然要用盡它!所以我都會打開雪櫃,見啥放啥──粟米、腸仔、蘑菇、蟹柳、切細了的魚旦貢丸、紅腰豆、剩下來的吞拿魚、上次回家吃飯時拿回來的瘦肉、上餐館吃不下打包回來的雞腿,只要覺得搭,那就大膽的放下去!(畫公仔畫出腸:雞腿就先拆肉吧!)


下圖成品,我就放了粟米、魚旦、蠔和帶子,以及為了補充纖維,再添加了十五穀。好吃!


最後,請留意以下三點:




  • 我下圖是錯誤示範,因為我家的日本米吃光了,只好用泰國米來煮。不太壞,但日本米絕對會好吃很多。


  • 在包裝上寫著「3合用」,就是下3「嘜」米的分量,下太少會太咸。無印良品出的很「孤寒」,都只夠2合米用。


  • 到日本購買的話,千萬不要到上野的二木菓子店買入,激貴!!




4 則留言:

  1. 嘩...加工得好好喎。華麗之食卓。呢碗飯如果係iSquare間八重菊可以賣百幾銀一碗仔。
    妳之前個回應我依家先見到。而呢個留言我由2點幾開始send到依家。怪怪地。haha~唔好意思呀。唔記得咗我回應過流星之絆果篇blog添。以為係豬妹妹寫嘅。咁二宮同錦戶個妹靚唔靚女啫? 講真套劇首主題曲同插曲都好好聽。
    重未好得晒呀妳?好彩巳到星期五。
    [版主回覆03/19/2010 16:25:00]留言功能神神地,見到你留左好多次,係丫神左!
    個妹唔特別靚,ok咁啦,哈哈!激死你先。
    係丫,我已經魂不附體啦...

    回覆刪除
  2. 哈哈!~ 如果一次半次... 在香港買貴少少都無計啦!~
    去 日本機票都唔平呀!~
    [版主回覆03/24/2010 08:41:00]其實以機票黎講都唔會好貴,二千蚊左右OK啦。

    回覆刪除
  3. 看來不錯啊!:) 有野請教呀! 如果一家大細去日本玩,去日本那處較好玩又適合呢? 北海道好嗎?但我又怕會好悶......
    [版主回覆03/24/2010 08:40:00]新手去東京唔好咩?細路去迪士尼,女主人去買既,東京都有風景睇架,安排第一二日去下箱根之類既地方咪得。

    回覆刪除
  4. 唔又係,因為怕東京太城市,出外不想感覺似香港。 但你的說法又幾好喎!Thanks :)

    回覆刪除

隨機文章

Recent Posts