Related Posts with Thumbnails

Pages

2010年3月28日

亦舒《佩鎗的茱麗葉》:會是將軍漢堡還是shake shake薯條?





我其實是有小嚇到。

這種程度的情慾描寫,要是發生在李碧華手中,切!小Case!但這位可是亦舒大師耶!貪戀男體的大多只能擔任配角,還要沒有好下場那種,女角不都(只能)永遠的瘦削地穿起米色麻質長褲配白色襯衣?(咳,少女期我真的好一陣子沉迷白衣及米色長褲,哇塞!那多有氣質!)

對此,我不反感,但只是好奇地想:這該是一種前進,還是一種後退?這種改變是挑戰自我,還是妥協?看了十多年的亦舒,要再尋求當年看《喜寶》、《阿修羅》或《玫瑰的故事》的那種喜悅得起雞皮疙瘩、那種忘我地陷入書中的一字一句、那種讀畢後再三回味細看的感覺,已太強人所難,繼續永不放棄地閱讀,是因為她永不放棄地寫作,如果說「爛船三斤釘」,那她那「三斤釘」已足稱后。

《佩鎗的茱麗葉》一如以住的流暢,故事內容亦是一如以住。也無問題,去麥當奴吃魚柳飽就是期望著那魚柳飽的味道,熟悉而習慣的味道;攦點鹽花,正如期間限定的shake shake薯條,新鮮有趣。

雖然我真的有點小嚇到。

4 則留言:

  1. 咁係咪佩鎗的茱麗葉有落鹽呀?等我買本番黎shake吓佢先。我重停留係亦舒嘅喜寶, 玫瑰的故事時期。果時最估唔到朝花夕拾係咁科幻嘅。
    Liar Game日本做緊映画。我第2季開動中。
    [版主回覆03/29/2010 10:35:00]一心黎打邊爐既會後悔喎,烚極都係得菜同生根咋!
    係,當年我都係比朝花夕拾既科幻嚇親,你唔講我都差d唔記得。
    而家d劇成日結局搬上大銀幕,係可以賺多d,但係我覺得根本唔夠篇幅將果故事講完!Nodame就係咁!如果有睇書/動漫,就會知道cut左好多...
    你先追到season II?加油...

    回覆刪除
  2. 這個年代,人人都嗜「咸」,大師亦不得不順應這俗流吧! 什麼都「咸」,使我懷念以前的淡。
    [版主回覆03/29/2010 10:52:00]唔,其實以前都唔見得好淡既,正如我話李碧華,佢好重口架!

    回覆刪除
  3. 是嗎?我不是小說迷,但我幾喜歡看李碧華在雜誌上的專欄。
    [版主回覆03/30/2010 12:33:00]李碧華亦係我好喜歡的一位女作家,我鐘意佢夠辣,而且係資料蒐集專家。
    Sorry我miss左你呢個留言。

    回覆刪除
  4. 五星下的三星2010年3月29日 下午9:17

    自己咁多年只係睇過一本亦舒的小說,當年只係覺得佢d文章有少少無病呻吟,所以後來都冇試睇過佢的小說。 你睇書的速度好似好高呢!可以不斷寫書評。
    [版主回覆03/30/2010 12:31:00]其實我仲有好多書冇寫,大部分書既都果種未差到要寫衰佢黎洩忿,又唔會好到要寫出黎公諸同好,所以大部書我都冇寫。書蟲,我認我係。
    噢,亦舒大師算係咁架啦,去睇睇瓊瑤姨既作品,才是無病呻吟既師匠級演繹。
    btw, 歡迎光臨。

    回覆刪除

隨機文章

Recent Posts