Related Posts with Thumbnails

Pages

2010年9月14日

錄Jul 10的東京>點滴篇>大鵬展翅像!


你道這張照片是在哪拍下來的?


池袋Sunshine City Prince 酒店。


看到之後,我默默的打定主意,下次,真的不能再往了。


喜愛王子酒店,除了它便宜(Simi Double約hkd750一晚),主要是因為我很愛逛Sunshine City這個大型商場,它雲集了很多不同品牌的時裝、食市及精品店,鄰近Tokyu Hands及一所24小時營業的超級市場。我熟慣了它,哪一間商店易了手、哪一間在何時會大特賣,我都知道。


但其實,池袋Sunshine City Prince除此之外,一.無.是.處!!


我一直苦忍著冬天那熱得會出汗的暖氣,跟夏天那冷得會起雞皮的冷氣,還有看上去也許是整潔但是躺上去卻混身不對勁的床,跟比我家電腦顯示屏還要小要厚的電視,其解析度比iphone還要不濟。也別談那理所當然的狹小,和那理所當然的簡陋──嗯,不冷的雪櫃也算了,沒wifi或能上網的電腦,我是愈來愈受不了。


今年七月,當我見到這件大鵬展翅巨型「藝術品」,我決心要跟這所光顧了起碼五年近十次的酒店說拜拜。一如,一天驚見戀人好賭、好友嫖妓、鄰居賣淫,有些事情一經知道了,再愛的戀人也熱情不再,再投緣的朋友也聊不下去,再和睦的鄰居也不能接受!我能接受日本人「吊高黎賣」,不做香港人生意因為你們「Cheap」,給你白眼因為你們吵,但我不能接受親中愛「財」得要放置巨型鳳凰取珠來「哈」大陸人的酒店!你的格調呢?你的尊嚴呢??


永別了,王子酒店!我已找到新歡,就是要多花一點錢也不回頭。哼!


*****


《記錄Jul 10的東京》系列


>食店篇


>>銀座数寄屋バーグ


>>築地玉寿司


>>台場Aqua City的KIRIN WATER GRILL


>>マトリョーシカ 〜0101上野店〜


>雪糕篇


>>北海道牛奶軟雪糕


>>Blue Seal


>>White Coey「ホワイトコージよつ葉」軟雪糕


>點滴篇


>>Jump Shop台場的One Piece


>>新宿的木村拓哉


>>築地的嵐


>>宮崎駿新作《借りぐらしのアリエッティ》於池袋


>>運粉:咖啡粉


>>碳水化合物癮君子


>>池袋西武的「たい焼」(鯛魚燒)


>>日本家品篇


>>Sunshine City Prince Hotel的大鵬展翅像


>>銀座名物館《銀座めざマルシェ》


7 則留言:

  1. 凰翼天翔-鳳凰座黃金戰士一輝嘅地方?其實係咪日本酒店大堂?估入D, 莫非妳落咗去橫檳??橫檳中華街酒店大堂, 係咪呀??
    [版主回覆09/15/2010 11:22:00]要開估。
    上次我去yokohama都冇去中華街。我連大陸都唔會去,何必苦苦千里搵中華街去?
    btw,Boss好好睇,你有冇睇?

    回覆刪除
  2. 五星下的三星2010年9月14日 凌晨3:07

    我掉番轉估在內地,為了歡迎台灣客人而刻意用上繁體。哈哈,咁估係咪大煞風景,一d都唔高檔呢?
    [版主回覆09/15/2010 11:23:00]圖中右手邊,可以見到有日文字。
    無論點估呢件事都唔會係一件好高檔既事,所以估大陸,不遠;係為左討好大陸既野,所以可以話你答對八成。

    回覆刪除
  3. 出生在日本的朱雀。。。好酒樓feel~~~
    [版主回覆09/15/2010 11:25:00]我樓下間迎囍大酒樓個八仙過海圖都仲有型過佢。

    回覆刪除
  4. Boss有戶田, 竹野同玉山鐵二睇咗好耐囉。最尾又有反町, 正呀。依家睇緊香里奈套真我雲霓。
    妳終於都轉酒店嗱。今次揀咗邊區呀?池袋Sunshine 特別多人住咕喎。新宿太子之後就係呢間。跟住就係新宿華盛頓。知道邊幾間係香港人氣住嘅酒店我就唔住。如果到我下次去東京我想試吓住赤坂區。
    [版主回覆09/17/2010 08:44:00]真我雲霓睇左第一集就冇睇,因為劇情太公式。
    玉山好~~~~有型丫!我第一次知道呢個人。我一直問自己:我有乜可能比個咁有型既人係我眼底經過都唔知?仲話自己係哈日族。
    哈哈哈哈!!
    我物色左一間新酒店,都係池袋sunshine city附近,我真係好中意行sunshine city,要日日行下先安落。但係我係唔會講間酒店名出黎既,萬人比路人見到就不得了啦!

    回覆刪除
  5. 妳唔識玉山都唔出奇。我識佢係由百獸戰隊開始。佢角色由奸變忠。係一隻好形嘅狼。佢之後做過邊套劇我唔多講啦。相信妳會大搜查線。其實好多都係由戰隊, 冇面拉打, 咸蛋超人出來。例如小田切讓係2000年套冇面拉打-古迦出來。要潤由2001年套冇面拉打-阿傑多出來。其他唔講啦。我會有排講。
    新住間酒店真係要自私D唔好講啦。一定有好多人上網睇旅遊誌篇行程。到時比1, 2個住過正跟住介紹d fd之後就一窩蜂, 又比人攻陷!!所以我想住赤坂原因之一都係呢樣。
    [版主回覆09/17/2010 10:14:00]百獸戰隊?!百獸戰隊??!!百獸戰隊???!!!
    咁勁既你,如數家珍喎!呢幾年j家當道,我以為除左J仔其實男明星都要行埋一邊添!講開又講,最近發現j家質數大降,好多本來唔合格既都唔知點解變左偶像...

    回覆刪除
  6. 姑娘不需驚訝。實不相瞞。我地一眾人仕睇戰隊都係為咗入面D囡囡。好奇怪, 由2000年開始。大部份呢類片入面嘅女優都係比堅尼女郎果種。真係細路有細路睇, 大人有大人睇。釈由美子都係由哥斯拉電影開始多人識。有份做月之戀人嘅満島ひかり(開發人氣)係由超人麥斯出來。最離譜山田瑪莉亞可以做超人帝拿。心諗D細路見到佢可能成日想飲奶奶。
    妳講個J家係咪尊尼事務所呀??情況就好似無記咁。歐陽震華都可以做主角!!
    [版主回覆09/18/2010 13:04:00]我都記得山田瑪莉亞有做過!!我以前幾鐘意佢架。
    歐陽san做主角可能都係實力既表現,但係近來成日見到j家個d乳臭未乾既0靚仔擔正,就好忟。重點係,個0靚仔唔靚仔個下濕濟呢。
    你覺得我講緊邊個丫?

    回覆刪除
  7. 你好啊,你也是旅遊愛好者嗎??
     
    [版主回覆12/20/2010 09:18:00]唔。

    回覆刪除

隨機文章

Recent Posts