正所謂呢「姣婆守唔到寡」，天生是在舞台上的人又怎甘心下台？如張國榮、如桑田佳祐。愛寫東西的人說要封筆又怎封得成？倪匡說了自己已用完一生quota 寫作，但現下不是常見他替人寫序，在AM730口述讓別人筆錄，大有毒友癮起難當之狀。宮崎駿，說了好久收山，還是久不久見到他的作品出現，噗！為什麼不老實一點說自己打算寫到老畫到死？
作為宮崎駿的迷緊隨多年，在池袋的戲院外看見他又「守唔到寡」真的笑不攏嘴。期待《借りぐらしのアリエッティ》( The Borrower Arrietty )香港上映的一天，但拜託，千萬別給我搞什麼鬼3D，我次次看完3D電影也會頭暈到想吐！
*****
《記錄Jul 10的東京》系列
＞食店篇
＞＞銀座数寄屋バーグ
＞＞築地玉寿司
＞＞台場Aqua City的KIRIN WATER GRILL
＞雪糕篇
＞＞北海道牛奶軟雪糕
＞點滴篇
＞＞新宿的木村拓哉
＞＞築地的嵐
＞＞運粉：咖啡粉
＞＞碳水化合物癮君子
＞＞日本家品篇
＞＞Sunshine City Prince Hotel的大鵬展翅像
發表文章
個地好乾淨好乾淨呀。好想碌呀。我只睇過3D大白鯊仲要唔知要買眼鏡。(典故王出場:當年3D電影眼鏡要加錢買)之後都無係香港睇過。諗諗吓...其實我睇4D多過睇3D。係日本D樂園入面。幾分鐘就啱啱好。睇2個鐘3D真係會暈。好似之前我期待占士金馬倫嘅新科幻片上映。點知係3D結果到依家都無睇。我諗宮崎駿呢套點都唔會係3D掛。
回覆刪除[版主回覆08/11/2010 09:45:00]大白鯊？？有冇二十年前丫？定係你係大阪睇？４ｄ我有係USJ睇過，短短地好過粒幾兩粒鐘帶住幅眼鏡。我個次係USJ睇既係史迪加，都．．．ｏｋ啦。
阿凡達，我download左HD版係屋企睇。唔係3D真係”喲家達”！呢套要睇喎老友，好睇！
無問題呀，佢地又唔似某個阿伯，唔使腳痛落台o既。
回覆刪除[版主回覆08/11/2010 09:47:00]無問題，佢又唔洗向中央向人民負責。我覺得搞笑姐，想嫁又唔嫁，老老實實話我係賴死唔走架啦咪好囉！
對，3D短片，最多半小時的，可以接受和享受，但長長的一齣電影，要花那樣多精神去看，是虐待呀！如果是三級片就...:P 說收山但還是在做，除了是市場策略外，或許他們真的熱愛他們的工作，並上了癮。又或者，說退休了，想做時就推出新作，不想做時就不做，可以沒有工作壓力，真正可享受工作的樂趣。
回覆刪除[版主回覆08/11/2010 10:04:00]偏偏各大戲院因為3D可以賺多ｄ而放棄正常版本！好似下面提及到既阿凡達，其實故事內容好好，但就係因為3D搞到我冇入場睇。
我都好想唔洗做．．．
我講果套3D大白鯊係好耐之前果套。我都有番咁上下歲月啦~~大阪果個係坐係架船度。有個道友係度引導妳入戲。然後D囡囡就係度e~ya咁叫。最後射爆發電機..大爆炸...d水飛晒落黎。之後隻粟一燒大白鯊彈上黎。D囡囡又係度e~ya咁叫。隻鯊魚沉返落水底死咗!!!返碼頭玩第2樣。唔好意思我突然果腦去咗果度。
回覆刪除[版主回覆08/12/2010 12:32:00]大阪個果去左，作為女仕既我e~ya唔出．．．而家ｄ場面勁咁多，大白鯊果ｄ真係冇料到既呢！以前我記得有大地震，呢個我想玩，我咁大個未經歷過，堅既就唔洗，試既想玩下！不過我去時已經冇左ｌｕ！
聽聞大阪CX開夜機喎！