Related Posts with Thumbnails

Pages

2010年3月11日

刺耳的告白:說<中女告白>


趕潮流地看了近日很夯的「星期二檔案」之<中女告白>。其實我從來也沒有對「港女」或「中女」此等字眼有過反感──沒在說我,為何要對號入座?片中的女生們,說來說去,重點都在「沒伴侶」這三個字上。遇不到還能說緣份未到,但遇到過的為什麼她們的伴侶都離之而去?這才是最教人心裡有刺的問句吧?


我跟Mr. K一起看時,他忍不住說:「嘩!最討厭女生這般說話!」


「對呢,我也覺得很不舒服!她怎麼了?會不會是下巴向出地說話?」回頭看看Mr. K,他正在看男裝雜誌,根本沒有看到電視中的女生長得如何、表情如何。


「不是啊!說不上來,總之就好刺耳!」我突然擔心搞不好我自己說話也很刺耳但不知道,一定要清楚她怎個刺耳法!Queenie跟彭晴也沒有問題不會使人難受,那那幾位素人呢?我們再聽了幾句,內容倒是沒太多反感,最後結論兩點:


一.沒尾音


英語聽上去會比日文、國語、怎至廣東話更硬更firm,何解?因為沒有呢、啦、呵、咩、架、喎、囉、喇此等結尾字,結尾便真的是結尾,少了一重幫助表達語氣。我一指出這點後便跟著片中女生說話,她說:


「好多朋友同我講,妳又叻又靚女,點會冇男仔追?」(模擬,記不住內容了。)


我說:「好多朋友都同我講呢,妳又叻又靚女,點會冇男仔追架?」


Mr. K說:「好好多!」


只一個「呢」加一個「架」,聽上去原來有如此大的不同。雖然中學時學習public speaking說千萬別有「囉」「呢」之類,但那是因為要帶出很確定的語氣及專業的形象,日常生活中要是句句「勁firm」,只會令人反感。


不過我知道,很多女生都不屑說話帶點嬌氣。


二.聲音硬


或許香港女生們都習慣要在公司號令天下?不但片中女生如此,在我周遭很多女生們的聲音,都是真槍實彈般硬。那與天生聲帶無關,而是一種發聲方式。怎為之軟?帶點氣聲,即「扮斯文」那類聲線。周慧敏、蔡康永那種發聲方式便是「軟」,楊千樺、鄭裕玲那種是「硬」。


不過我也知道,很多女生都不屑說話「扮斯文」。


沒有人可以打開另一個人的腦袋看他在想什麼,也沒有人能把對方的心臟挖取來了解他。除了行為,語言是最直接的方法去了解一個人,去塑造一個人的形象;而語調更是不可或缺的核心。所以,以上兩點加上來,已足以形成說話者予人「硬朗」跟「不拘小節」的印象。性情真的如此倒不打緊,問題是真人性格根本差之千里,變成內外形象不一。男生們為著妳的「硬朗」跟「不拘小節」而來,怎知一相處下來原來渴望別人照顧、希望有所依靠,對身邊一切其實都是有要求的,久而久之這種種便變成「乜妳咁煩架!」等抱怨,最後另覓新歡。到要「散水」了,便抬出:「妳又叻又靚又堅強,妳得架喇!對方冇妳咁叻,要我照顧...」之類的對白,讓雙方好來好去。她相信了,哦,原來只怪我生得太美太能幹。


哈哈。


5 則留言:

  1. 睇左好多人對「中女告白」既反應, 你呢個最有驚喜呀! 雖然女仔有無拖拍未必關聲線事, 不過比你咁樣講一講, 我都要留意下平時自己講野個tone 先~男仔始終都係男仔, 幾有內涵既男仔都係鐘意溫柔鄉既~
    [版主回覆03/17/2010 08:45:00]唔,當我地要求對方溫柔時,其實都要記著自己要咁對人。係架,男性重唔重視內涵真係一個問號黎架...哈哈...

    回覆刪除
  2. 中女告白... 我都有睇呀!~
    其實男女都好... 始終都會去中年的階段的!!~... 而世上都有好多感情... 無左愛情唔一定死的!!~
    [版主回覆03/17/2010 08:47:00]人總係咁,無果樣就恨果樣。我覺得好多女仔唔懂得獨處,冇自己既興趣,變左一定要有人陪先會快樂。所以對佢地黎講,無伴侶就會好唔快樂。

    回覆刪除
  3. 其實人人不同, 很難一概而論啦. 不過這的確是hk女性在面對的一個問題啦.
    [版主回覆03/17/2010 08:57:00]的確人人不同,好難一言以敝之。我只係話普遍我見到既情況。其實女仔人家溫柔d冇蝕底架,以柔制剛係鐵律。身為女生,其實好想鬧醒班自以為事既中女。

    回覆刪除
  4. 人講野時,訊息傳達的三大元素:word 7%, tone 38%, body language 55% —— 好早之前已有聽過。
    你最尾嗰段講得好有意思。最近飛,有個同事(30歲)向我講起佢男友疑似有外遇的事以及佢同男友講幾時結婚的問題。佢講的時候不自覺咁模擬返當時的語氣,不外乎質問佢「成日話結得個講字」、「唔好晒佢時間」之類,我一路聽,有一種好強烈的感覺:如果我係佢男友,我覺得佢一D都唔可愛。不過佢大我幾年,加上唔熟,我當然冇講出黎。
    「可愛」可能係我自己作為女友的活着模式,其他人未必係咁。但我覺得,不論男女,不論活到幾多歲,都希望自己的另一伴講野的語氣、行為舉止讓自己感覺到舒服、甜蜜吧﹗既然要求人地係咁,自己都應該咁做。
    [版主回覆03/17/2010 09:05:00]絕對同意,你講出左我冇講出黎既野。
    我成日話:男女永不可能平等,因為女生永遠要被細心呵護;但這不是必然,女生亦必須令自己成為一個值得被人呵護既人。正正是你所說的:可愛--可被愛/令人想去愛的人。
    >「可愛」可能係我自己作為女友的活着模式
    同感。BF會話我蠢豬/傻妹,但其實唔代表佢真心覺得我白痴。有時聽到女性朋友講自己同男友之間既野--點教精佢,點鬧佢,我就覺得:嘩!係你男友先頂得你住,又睇下頂到幾時?

    回覆刪除
  5. 中女點都好過港女。中女係比呢個社會做成。多數都係自己唔想。但港女就大鑊D。自己進化出黎。最大鑊都係佢身邊D朋友。剩係跟佢食一餐都可能唔見成千銀一個人。
    [版主回覆03/17/2010 09:07:00]我孤獨精,唔係好多朋友,包括女性朋友,尤其唔岩嗲就一定唔會做朋友落去,因此我無機會見識你口中既港女。

    回覆刪除

隨機文章

Recent Posts