因為差不多年紀，所以看著廣末涼子，就似看著另一個自己在走不同的路。她的「Maji で Koi する5秒前」跟「風のプリズム」可以說我是必點的K歌，電腦的壁紙有一段時間要用她的。她平板的臉卻帶透明感，薄弱的高音部份、沒太多的修飾技巧卻使她的歌變得率性的單純。
對於這首收錄在她的第一張新曲+精選的大碟「RH Singles&...」的最後一首歌，我沒有什麼想說，只為它優美的旋律而想大家也聽聽而已。
唱：広末涼子
詞／曲：久保田洋司
編：島野聰
あいたい时にあえない恋人どうしは
いつも お互いを思えば思うほどに
一人の 归り道 冷たい风
地下铁は行き过ぎる
公园の通りで
早足になに 今すぐ
あいたい 强く抱きしめられたい
温もりを 确かめ合いたい
あえない时间を忘れるくらい
永远の 扉を开けたい
真冬の星座たちに 守られて
二人わ 言叶にならない答え知ってた
もるで 部品を落としてきたオルゴ－ル
光を 放ち始めた この街
人 みに纷れたら
それで二人きりに
あれた气がした あの顷
あいたい 强く抱きしめられたい
爱しさを 确かめ合いたい
あえない时间を忘れるくらい
永远の 扉を开けたい
真冬の星座たちに 守られて
あいたい 强く抱きしめられたい
温もりを 确かめ合いたい
あえない时间を忘れるくらい
永远を 誓うキスをして
真冬の星座たちに 守られて
〔圖：不太高清，抱歉．．．〕
發表文章
Miss K
回覆刪除大陸放完黃金週今日勁多野做。依家先有小小時間回應。"依野~"(中文日文)。我都係個普通香港人。上妳blog回應係妳太多我啱睇嘅野啫。我離開咗屯門好耐囉。我好似係93-98年住係果道。經歷過大塞車。果晚由荃灣番屋企要成4,5個鐘先番到。以前經常塞車。
廣末涼子我由沙灘小子開始就喜歡她。她唯一一首入選紅白大賽的歌。當時我每日都聽數次。歌名好似叫"大喜歡"。妳應該知邊首。到近期些少睇佢有份做嘅日劇Slow Dance成熟咗小小更覺有女性美。仕事!!下回再傾。
[版主回覆10/13/2009 08:46:00]你句依野我諗左5秒之後笑左 ，建議為”依～野”黎表達個長音．．．
而家屯門唔太會塞架啦，交通真係方便過以前好多。beach boys我睇左１０次都有，但次次睇到丫公公死就睇唔落去～如果你鐘意佢，咁你有冇睇禮儀師？
噢..令妳見笑添。係公司好難在短時間用日文打野。我同朋友msn都係用呢D方法傾計。比人見到都唔知我寫咩。
回覆刪除禮儀師當然有睇啦。又係另一層次嘅表現。可惜係戲裡面佢無得發揮。所以係日本個女主角獎比中村多江攞咗。妳可以睇10次beach boys咁利害。我重未睇特別版。買咗好耐。我成日都覺得唔夠時間用。我重有大量劇集都未睇。包括"婚.豬扒, 神之水滴, 高達00, 冇面超人key爸, 電王, 明星戀人, 敗犬女王"等。小說, 漫畫, 模型, 料理, 語言都係我喜愛架。又要侍候家中嘅主公&佢叫我養嘅魚仔。你話是否充實得很T-T。"嗎打"
[版主回覆10/13/2009 10:19:00]婚係求婚大作戰？婚活？豬係野豬大改造？！（係的話你其實唔洗睇啦．．．）神之水滴我有睇漫畫但因為唔ｌｉｋｅ龜梨和也（好似）所以冇睇，高達唔岩我口味，炸猛面超人都唔岩口味，ｏｋ我放棄，唔估啦．．．
其實我好多都係車上面睇，我返灣仔住屯門日日有近３個鐘私人時間係車度真係日日睇２套電影都得．．．
修正 : 婚カツ-中居正広
回覆刪除仮面ライダーキバ 仮面ライダー電王
明星戀人(韓劇)-崔智友, 敗犬女王(台劇)-阮經天
妳有睇神之水滴漫畫呀(TV係龜梨和也)。我重未睇到。我今年2月係日本見有神之水滴特別版紅酒賣1600円。冇買好似貴咗D。呀..有野想請教妳。我本月24號比我主公捉咗我去泰國曼谷(第一次去,因不喜歡泰國)。我想請問有冇咩推介。有時間先回復啦。謝~~
[版主回覆10/14/2009 09:10:00]婚活(婚カツ)我第一集睇左2/3就放棄左，全完浪費咁大cast既演員囉！E?!１６００ｙｅｎ買紅酒唔貴，我怕係太平唔可以同空氣接觸太耐，而我又等２個人飲．．．
你訂左酒店未？我本人幾推介Marriott Spa & Resort，遠，不過日日坐船出街玩都幾休閒，而且個泳池好得；但如果你係好我地咁日日去Big C買榴槤，就最好住Saladaeng個頭。
買野既話，個人覺得翟道翟其實冇野好買，可能我太日系啦，實在覺得翟道翟既野太cheap，但就見到好多日本買手係個度入貨，如果你未去過去下都好，但唔洗expect有荀野囉。
Let’s relax Spa係我既心水推介，佢有個plan只做手＋腳＋肩背，好得！泰國我去好多次次次都做ｓｐａ，最得係呢間。
必買既野除左ｂｏｏｔｓ之外，有間野叫 oriental princess ，一街都係架啦，我覺得都幾必買。
吃，講真我麻麻地泰國既食店，重點：人地話grand hyatt個Lunch buffet好得，我只可以講，同樣價錢係香港好食過佢多多聲！絕不推介！！
景：我去泰國主要做spa同去aleenta，所以都冇咩點去過大景點，幫唔到你ｌｕ～
http://www.thailandfans.com/second.html 泰友營，攞料必到！
Miss K
回覆刪除唔該晒。去泰國我係一張白紙。酒店巳訂但唔知邊間。下次話妳知。我都屬於日系。我的手提電話要買有日文。行貨全部都無。有果D又大部又貴。結果要冒險幫襯先達。依家用緊Softbank到現時都咁鐘意。我好多野都偏日。亦都比同事笑我漢奸。在街上或在店舖都比人當我係日本人。除咗食物。比較喜愛歐洲方面嘅多D。呀..妳係灣仔做野咁妳有冇幫襯過合和中心對面馬路間"dap"呀?係樓上好似20幾樓。我朋友開架。有機會可以同妳上去試吓。Thanks
[版主回覆10/14/2009 10:24:00]我本來用呢部 http://hk.myblog.yahoo.com/meiji_fooa/article?mid=530 （請拉到最落）但係呢部lock得好勁，激易圈外！不過sharp既lcd超班不特止，相機鏡頭有成５００萬像素，外型又靚！放棄佢我都好心痛．．．你用緊邊個型號？
丫，我係碼頭果邊丫，不過有機會就試下你講果間先～反推介：al dente有冇食過？我個人幾中意～！
我部係706SC舊型號藍色用咗幾年囉。我重有部sharp不過都係舊型號。妳推介果間al dente啱啱上openrice睇過。食評一般不過我信妳品味。搵日去試吓先。
回覆刪除[版主回覆10/14/2009 11:52:00]Al dente有兩間，一間係馬會對面細ｄ坐得冇咁舒服，要坐得舒服就要到三屯里個間，而且你最好唔洗趕返公司，因為佢出菜都幾慢．．．講開食野，可能我好餓，我仲想推介一間叫天勝既日本餐廳，好多日本人去，佢個燒鯖魚定食好得！（死啦，好餓．．．）合和果便個間King Ludwig Beerhall唔知你食過未，我食過尖咀個間，都唔錯．．．