Related Posts with Thumbnails

Pages

2009年10月29日

Today Music:嵐「Truth」豈止是劇集的伸延?


昨天談過了的「魔王」,「Truth」是其主題曲。一般來說是劇集令我認識主題曲的本身,但這次相反,因為太喜愛「Truth」而把劇集找來看,甚有「妹仔大過主人婆」之氣勢。


嵐的歌曲風格一向是白與藍般開朗,「Truth」配合著描寫人性內心暗處的劇集首次(吧?)令他們演唱一首屬於黑與紅的歌曲。前奏的弦樂已是滿滿的壓迫、懸疑、緊張,過場的minor琴聲更有悲傷、神秘之感,歌詞更是緊貼著劇集情節內容,尤其一句:「I take your life forever.  You take my life.」嗯,真的,芹澤奪取了成瀨好好地活著的可能性,而成瀨真的奪取了芹澤的性命。我喜歡大野智的唱功,就是在合唱中也總能越過眾人讓我只聽到他的聲音,看過了「魔王」之後就更覺此曲有多麼的無奈跟哀傷。


延伸閱讀:日劇「魔王」:以暴抑暴有何不可?


曲/詞:HYDRANT


ゆらり揺れる光ひとつ 痛み癒すことなく消える
“I take your life forever, you take my life forever”
ひらり落ちる涙ひとつ 想い 届くことなく消える
“I take your life forever, you take my life”


止まらない時間に潜む 愛はきっと降り注ぐ 雨のように
(こぼれ落ちた涙の痕 凍えそうな涙の色)
戻れない記憶巡る すべて奪われたこの世の果てに
(こぼれ落ちた涙の痕 凍えそうな涙の色


***悲しみ...
例えどんな終わりを描いても 心は謎めいて
それはまるで闇のように 迫る真実
例えどんな世界を描いても 明日は見えなくて
それはまるで百合のように 汚れを知らない
願いは 透明なままで***


白く染まる花にひとり 何もかわることなく誓う
“I take your life forever, you take my life”


届かない声に残る 愛はそっと吹き抜ける風のように
(こぼれ落ちた涙の痕 隠しきれぬ2つの顔)
終わらない夜に眠る 夢の傷痕に残した痛み
(こぼれ落ちた涙の痕 隠しきれぬ2つの顔)


悲しみ...
例え僅かな光生まれても 嘆きは繰り返す
それはまるで嘘のように 消える真実
例え最後の羽を開いても 運命は変えられず
百合の花は儚げに 痛みは消えない
夢なら愛したままで
(Repeat ***)


4 則留言:

  1. 海盜版質素好呀。我多數係葵芳個葵興廣場好似4樓有間專賣日韓DVD嘅店舖買。1套2張嘅碟$70,散1套1張$40,買3套單碟$100。另外信和地庫都有。$50蚊1隻。但冇咁新同比較小。有冇睇東京DOGS呀?好似好正。我都好鍾意水嶋ヒロ。由冇面見人甲鬥王開始巳喜歡佢。萬聖節快樂。
    [版主回覆11/02/2009 09:36:00]東京dogs好睇丫,雖然有某知名blog貶到不文一值,但我覺得呢套野好賞心悅目:2位180cm以上既大男孩+橫睇掂睇都有氣質又可愛既靚女,劇情有笑料節奏又快,比起mr.brain好睇好多(Mr. Brain唔係木村根本唔會睇落去!),所以我都幾推介呢套。第一集有成宮寬貴客串,雖然佢冇水嶋同小栗高,但身型好好又靚仔,整體黎講我想話,睇演員既皮相都足以要追落去!
    想請問你對上一次去葵興廣場間野係幾時?我要特登去一趟但又驚佢執左。

    回覆刪除
  2. 上次去係9月底。佢開咗好耐日子架嗱。店主個形有D似B'z個種。驚妳搵唔到。形容多D先。最頂果層有好多玩具店小食店。佢近玩具店果面。門口有部電視播演唱會。依家應該播MJ。客氣都要講多次。再搵唔到call我。
    我昨日終於再去北角買到零秒出手啦。$25海盜版。重買咗幾套日劇。急救24, 魔女裁判同mr.brain。間鋪好難搵。之前都見過間鋪。跟住入去加入D C NINE一齊摷碟。硬買2隻台劇。再扮傻仔問老細有冇日韓劇呀。咁佢先叫個女仔帶我去附近大廈嘅入口指比我睇先買到咋。因我個樣太似刑警(竹野果隻呢)。上次係第2間失敗咗。今次終於成功倒破海盜集團。
    [版主回覆11/02/2009 10:30:00]買開日劇推介多幾套:上季既俠義HELPER都ok,之前仲間既”嫁個好人家”同篠原涼子既”外派之品格”好好睇;我剛剛睇完既”魔王”其實真係好野黎既,同上上季既"THE QUIZ SHOW II"雖然第3-5集麻麻地,但整體都好睇;仲有深田恭子既”富貴刑警”好得。
    可能星期六去,搵唔到真係要CALL你...到時就麻煩晒你啦!

    回覆刪除
  3. 俠義HELPER係咪草剪剛果套?富貴刑警好得?好..信妳。我星期日係sogo地庫買咗幾個近似青木菓子嘅食品。舖名叫mochicream有冇買過。$13-15蚊一個。個樣都好似妳講果D。我果日重去咗dap食早餐加午餐。影咗D相下次放係個blog道。到時CC。妳講果個某知名blog係咪K字頭架。專講日劇架麻。上人氣榜嘅。
    [版主回覆11/03/2009 08:46:00]係丫係草彅剛,用黑社會黎包裝去討論老人問題,有時真係幾驚自己或許爸爸媽媽老左...mochicream係咪有cream係個雪米糍中間架?係,係k字頭既blog,我都幾頂個blog唔順,但又久唔久去自虐一下。

    回覆刪除
  4. 係呀mochicream有cream係中間架。重有乾冰送。我覺得果個blog講野太主觀嗱。同埋唔知點解其他人覺得佢係型男。佢係型男咁金城無, 玉山鉄二,唔講外國明星。咁吳彥祖, 古天樂果D叫咩。咁妳知唔知依家點解咁多人去人哋個blog度留完幾句野就算呀。我同我個IT朋友研究緊。
    [版主回覆11/03/2009 10:13:00]個d文本來係有內容既,唔知點解show左出黎冇左內容...睇原始碼就會睇到佢地既正文。人地又唔會click入去睇,又睇唔到正文,咁點達到廣告效果呢?!你地有結論話我知,我好鬼想知!
    k君真係好主觀,而且去佢blog留言都好以中左毒咁好攬佢!又成日明示暗示自己好多戀愛經驗同由宅男變身成型男... 我都成日去下,我想警戒自己唔好變成佢咁主觀,因為本質上我其實都幾主觀,哈哈哈哈...

    回覆刪除

隨機文章

Recent Posts