夏天，要拒絕冷品真的很難。
在通往池袋Sunshine City的地下道，一下來便見到這所09年4月才開的雪糕店。奇怪地09年7月跟10年1月的日遊，我們也能無視直走──我本人當時沒有興趣，是因為對美式雪糕有點感冒，主觀覺得一定會太甜，至於Mr. K何以亦沒提起興趣就不得而知。同樣不得而知的，是何以又忽然挑起想試試看的念頭？唔。
〔圖：在Sunshine City內的店子側，永遠有位實Q先生站崗，好奇怪！〕
Blue Seal是以沖繩為主要基地的雪糕連鎖店，自1948年起便以進駐沖繩的美軍為銷售對象，供給日常的乳製食品，及後的60年才漸漸發展成雪糕連鎖店，現在於沖繩有近四十所分店，連遠至石垣也不例外（說到石垣，真的很想去啊！）沖繩以外的省懸亦有近八十間店。簡單一句：60年來沒倒定必有點本事。
之所以特別介紹，因為Blue Seal所提供的雪糕的口味，真的，非常特別！！例如紅山藥（Ube）是用沖繩特產紅芋做成的──我選時以為是蕃薯；藍色波浪（Blue Wave）是「融合鳳梨冰淇淋和清爽的藍色蘇打冰沙」，在日本的店子寫那即是波子汽水口味；甘蔗，非常可惜我在日本的店子時不知甘蔗是甘蔗，不然必定會試試看；此外比較特別的還有紅芋（Beni-imo）、美美地瓜（Chura-imo）、焦塘瑪琪雅朵（Caramel Macchiato）、Bana-pa-co等等，均是平日比較不常吃到的口味，另外網站沒寫的鹽味雪糕－－就是第一張照片上白色的那球－－亦能吃到。
除了特別的口味，回到雪糕本身，是好吃的。我從前有提過：「我不明白為什麼雪糕會帶給人這種快樂及幸福的感覺，為什麼當那一小匙的雪糕在口中溶化時，那種感覺是那麼的好呢？」若有機會發現這間令人幸福的店子，真的不妨試試看！
http://cn.blueseal.co.jp/prdct_info.html#menu02
網站有中文版，以上。
*****
《記錄Jul 10的東京》系列
＞食店篇
＞＞銀座数寄屋バーグ
＞＞築地玉寿司
＞＞台場Aqua City的KIRIN WATER GRILL
＞雪糕篇
＞＞北海道牛奶軟雪糕
＞點滴篇
＞＞新宿的木村拓哉
＞＞築地的嵐
＞＞運粉：咖啡粉
＞＞碳水化合物癮君子
＞＞日本家品篇
＞＞Sunshine City Prince Hotel的大鵬展翅像
發表文章
甘蔗味幾特別喎。出年我有8成去9州。睇緊d交通同時間。目標係鹿兒島。冇直航要去褔岡轉車去有d唔想。恐怕最後都去返大阪he~~
回覆刪除[版主回覆07/27/2010 13:58:00]哈哈哈哈！我明！我成日都想去石垣但係要去沖繩／台灣轉機好唔想，最後都係去左東京。
傻架!!!新年去褔岡好貴呀!!!結果都係由2成變10成去返大阪。不過有可能要做領隊。好彩帶3個人啫!!依家hold緊機位。返有位。要上午機去就full晒。巳經要做waiting。呢排各人都咁靜嘅。我依家睇緊雙頭犬劇。
回覆刪除[版主回覆07/29/2010 14:34:00]新年唔係去邊都貴架咩？帶人唔緊要，最緊要係帶鐘意／岩咀型既人。
呢排真係幾冷清，因為我自己都冇咩心機寫blog。雙頭犬睇左第一集咋就無睇落去。呢季追緊＜花痴刑事＞，但事實上我跟本唔得閒睇日劇．．．
新年係去邊都貴。但褔岡貴過大阪同東京。有緣先去。妳間屋有咩問題?加租?收樓?妳應該屬於好租客黎咕喎。唔係咁對妳呀!!另想請教妳甘蔗個日文??我想係關西空港隊番個blue seal雪糕先。大阪得關西空港有。
回覆刪除[版主回覆07/30/2010 11:48:00]Suger Cane <-Click
收返層樓，一打黎就話叫我十月搬，因為佢賣左。頂，賣你問聲我丫嘛，我買架。而家臨時臨急邊度有地方搬呢？買又買唔切，租又好少盤。
唔緊要啦，到時先算。
一開電腦第一時間黎咗池袋呢度先。生日快樂呀K小姐。祝妳快D攪掂樓嘅問題。保持通訊交流。
回覆刪除[版主回覆08/02/2010 08:43:00]哈哈哈！多謝多謝！so far我生日果日都真係幾快樂架，一早開始睇樓睇到周身汗周身攰，之後九點半就去左瞓．．．嘿！