Related Posts with Thumbnails

Pages

2010年7月19日

記錄Jul 10的東京>食店篇>築地玉寿司


我真的很有興趣知道,自己從何時起每逢日遊,例必入住池袋Sunshine City Prince Hotel;住過的次數,也許比不上Business Man,但應已足夠發張Fans ID Card給我。可是,這所快給我們走得爛掉的Sunshine City 商場內的這間「築地玉壽司」店,居然還是第一次光顧。


噢,驚為天人。


第一次光顧是平日的下午,有很好康的Lunch Set:



〔圖:1,470Yen的平日限定海鮮丼,除了圖中一碗還送湯或小烏冬。〕


用料極之充足!滿滿的海膽、魚子、蟹肉、三文魚下蓋著的不是白飯!而是混合了蟹籽、角切三文魚、及雜七雜八無以命名卻鮮味非常的海鮮!這種海鮮丼,我們有在築地吃過(非這間店的本舖),雖然旅遊書上寫得很吸引,試了兩次還是覺得不外如是,自此對日本吃的海鮮丼、壽司亦不會抱太大期望,因為覺得既然我們花不起大錢,大概也吃不到什麼好東西吧。所以這次我們驚訝得不得了!第一次,明白什麼是「入口會溶化」的三文魚,魚鮮在口中、舌中會化開來,而且一點點腥味都不會有;我從來對海膽也沒有好感,那是源起於貓痴男的一句:「似痰。」現在,知道好海膽的質地不會「水汪汪」而是帶一點「實淨」,拌著飯連著蟹籽來吃香得不得了。每一款材料也是上盛的,食物本來的鮮味,被原始卻精心地表現出來。


後來再去了兩次,因為是假日,沒有lunch set就貴了一點了。



〔圖:這個是寿司御前1,890Yen,Mr.K說沒有吃過這樣滑的蒸蛋。〕



〔圖:這個則不是套餐了1,575Yen,有點吃不飽。〕


不似揚州炒飯、咖喱牛腩飯等等味道重的東西,壽司、海鮮丼的出色與否,只能靠著食材的本身來決定(當然飯煮得是否恰當、飯團握得好不好也重要,但這本來就是基本功)。回港的第二天,我們到一間酒店吃自助午餐,嘗了一塊三文魚刺身我就後悔了:我為什麼要浪費錢、浪費卡路里來吃這塊味如嚼蠟的東西?!



後記
為了找「築地玉壽司」資料,我google了一下,發現它在台場有分店供應壽司放題時才驚覺:不就是ぶたちゃん有介紹過的那間?!本來這次也想去她所說的台場放題,但因為忘了抄下地址而作罷,下次必須嘗嘗看!



*****


《記錄Jul 10的東京》系列


>食店篇


>>銀座数寄屋バーグ


>>築地玉寿司


>>台場Aqua City的KIRIN WATER GRILL


>>マトリョーシカ 〜0101上野店〜


>雪糕篇


>>北海道牛奶軟雪糕


>>Blue Seal


>>White Coey「ホワイトコージよつ葉」軟雪糕


>點滴篇


>>Jump Shop台場的One Piece


>>新宿的木村拓哉


>>築地的嵐


>>宮崎駿新作《借りぐらしのアリエッティ》於池袋


>>運粉:咖啡粉


>>碳水化合物癮君子


>>池袋西武的「たい焼」(鯛魚燒)


>>日本家品篇


>>Sunshine City Prince Hotel的大鵬展翅像


>>銀座名物館《銀座めざマルシェ》


7 則留言:

  1. 係香港好多都係求求其其做咗個形就算。最用心就係計成本。我都係和歌山食過如此海鮮飯。果度叫"天don"。勁平。我其實唔鍾意食魚生飯。所以後來都無去其他地方食。
    妳無咗上一篇嘅???
    [版主回覆07/20/2010 10:18:00]嗯,的確。只求形似。
    我本來都唔鐘意食魚生飯,食下食下就會鐘意架啦!哈哈,好多野第一眼覺得唔好睇,睇下睇下就會好睇架啦!
    果篇攞緊approval丫。

    回覆刪除
  2. 五星下的三星2010年7月20日 上午1:19

    我認識海膽係睇漫畫「將太的壽司」,講到天上有地下無咁,之後在港食過cheap野覺得難食,但係經過一段時間,呢d cheap野都習慣左覺得幾美味,可見我呢d平民真係一個垃圾口。
    [版主回覆07/21/2010 10:16:00]講起以食物為主題既漫畫,如果你因為睇左而去試食,十成九點九係會失望而回!對上一次係因為睇左<神之水滴>而試飲紅酒,佢話會好似見到婦女們係葡萄園載歌載舞咁喎,我懷疑佢支酒加左料囉!
    剛剛係日本返黎好唔慣,之後又長期食香港野(都要維生架!)又食野返,再之後又去日本食到咀尖,再返黎食垃圾...如四季輪流不息。

    回覆刪除
  3. 香港果D難食就唔再講(有錢佬飯堂不在此限),唔好比我見到有蚊螆係度飛呀大佬,叫人點食得落口呀。。。。。。
     
     
    上一篇。。。係咪因為我把賤嘴?對~唔~住~~~~~
    [版主回覆07/21/2010 10:12:00]嗚哇,會長唔好say sorry ,其實係我唔啱我有反省,我收起篇文係問緊網主意見,佢冇回我我就直接delete左佢。
    我最怕食香港既轉轉壽司,係迴轉帶上面既放得太耐,放到變室溫...有間野叫Monster Sushi,係暫時我係香港食到合格既壽司,tst isquare同mk 朗豪坊都有分店,有機會你要去試下。

    回覆刪除
  4. 妳嘅念力係咪因為個風???我又念.......................
    [版主回覆07/21/2010 14:16:00]黎!一齊對抗李氏力場!

    回覆刪除
  5. 俾你提過都唔知添,差d miss左。
    我仲以為池袋呢間都係食放題架添……不過個lunch set已經夠晒吸引
    [版主回覆07/28/2010 16:52:00]見到你留言,諗起最近令我最心煩既野。 步你後塵,到我忙睇樓...本來租緊果度比業主迫走丫...Orz 到我無mood寫野,之前幾篇都係之前寫落。
    其實個放題都少少貴。個lunch set食完好飽,所有食材都非常新鮮!有tick tick紙可以order 壽司,不過幾貴。如果係食壽司的話其實放題係抵既,下次會去同佢搏命!

    回覆刪除
  6. miss k﹗同病相憐!!!!  (點解冇一個雙目含淚表情?我想用)
    我呢排又係周圍睇樓,倒返轉,係睇租盤,因為買樓好驚會摸頂;但而家租太少、太貴&太yap,睇睇下又變返睇買盤……睇到冇心機寫野……
    苦。
    [版主回覆07/29/2010 14:31:00]一樣!你含淚?我欲哭無淚。
    租盤:少,少得可憐;唔平,都拍得住供;租一年蝕一年,成筆首期都比左佢。
    買樓:都係少,個個都封盤睇後市;貴!貴到痴線,貴到唔值,好驚會摸頂;首期都係僅僅夠,上會九成五要成個月,但問題係,我兩個月後就要被迫遷...
    重點係最後一點:我兩個月後就要被迫遷。根本就搵唔切,頂!

    回覆刪除
  7. 你租緊的單位又新淨又有個可愛露台仔,而家冇得住可惜啊。
    租盤搵返屯門應該唔算太難喎。如果係元朗你會唔會考慮?我前幾日入左元朗,有個單位喺正元朗西鐵站隔離(walk 3 min),望到yohomidtown,十幾樓,420呎,租5000蚊(算係我地搵過最平的了)。缺點係對住兩條車水馬龍的大馬路都幾嘈,同埋間屋除左三部冷氣及熱水爐外係乜都無!!!!
    唉,苦呀。
    介紹你兩個搵屋網頁:
    www.gohome.com.hk
    www.28hse.com.hk
    [版主回覆07/29/2010 17:11:00]噗,呢兩個站我日日煲!
    唔係掛!咁你不如比多一千蚊住 疊茵庭7座低層 <-click有會所,新樓。屯門好過元朗,新d同社區規劃會好d,又冇條臭渠。
    真係要近西鐵就兆康苑中層租HKD5500,不過我覺得會好yap,我以前去過兆康苑教琴,好細好舊。個人推介: 嘉悅半島HKD7800 ,我自己之所以唔諗,係因為我而家有海景+大窗,不過你如果連舊樓都諗,我估你唔介意。
    我住呢頭係由三大新屋苑組成:海典軒,南浪海灣同嘉悅半島,好多空服出出入入架,哈哈哈!仲要係著紅服制個間。我估係因為樓下就有一駕E33去機場,入屯門第一個站就係。
    個人想法,兩口子出黎住,開開心心住好d(<-就係呢句搞到我而家搵唔到想要既樓)兩個後生仔對住四面會剝落同發毛既牆有乜謂,襯後生同未有細路,享受下生活丫嘛!

    回覆刪除

隨機文章

Recent Posts