Related Posts with Thumbnails

Pages

2010年5月28日

《談情說案》疑抄日劇:「疑」??


原文這邊請


O咀,大楷O。


我反覆思考這個問題:對於編劇來說,無創意大鑊d還是無恥濕濟d?!


本來我對所有有關本地娛樂的消息也麻木兼無視,那天看見電視播《談情說案》的預告也只:「妖!」一聲之後都還是算了,但看完劉家豪先生的回應,我立即火冒三丈!他說:「如其中一集有一輛食環署洗街車,日劇一定無。」Oh yes,的確不同,如褔山雅治般有型英俊、高大且五官分明的演員,港劇一定無;如不經意但也許是精心安排、那風光明媚的街景,港劇一定無;點晴的配樂、連繫著觀眾記憶的主題曲,港劇一定無。


「事實證明一切,你看收視率便知,最緊要觀眾鍾意睇。」這句才是最不知廉恥!!以日本網民的說話來回應:「什麼都不思考、什麼都不創作、只會要錢騙人和不停地編藉口,這樣的人和國家應該消失!」雖劉先生口口聲聲說此設定非日劇專有,但當一件作品,有如此多人說是「抄襲」自某地方,令人想起前人作品多於原創,是否要思考一下,就算是無心之失,也實太瓜田李下?(而事實上根本就是擺明居馬!)我不懂,創作人、藝術家不是應有尊嚴自我,不是不屑於跟隨人後?事實放在眼前,現在劉先生是技不如人了,別人想得出來的,他想不出來,那他為什麼一點點羞愧也沒有?沒有這種藝術脾性,莫怪他造不出好作品來!


而看見某些香港網民的回應,我更是無名火起:「好睇咪得囉!」那去羅湖城買LV袋就:「平咪得囉!」交功課上網搬字過紙:「做到咪得囉!」過著如此不思考、不分是非的生活,真可悲!


Btw,我想投訴!我想投訴有人影響香港國際形象!我該去哪處申訴?


11 則留言:

  1. 咁我就撐阿劉編劇喇,而家咩野叫做抄先,搬字過紙果D就叫做 抄 ,而家我先參考再刻意修改D D(用洗街車),lee d就叫做 山寨貨 ,係大陸好出名架。遲D仲會有一集會講主角係個假到無可再假既大廳飲飲下大頭奶粉忽然電視機自動爆炸,炸到林峯變古天樂,嗱,日劇一定無。

     
     
    其實咁既情況係CCTVB真係好平常囉,劇集開頭總係東抄抄西抄抄,得啖笑,不過都係頭幾集係咁架姐,因為好快又會返返去十年如一日既CCTVB劇集公式。

    [版主回覆05/31/2010 15:43:00]根據我讀書時既defination,有quote reference既叫參考,冇既就係抄,佢而家唔認,先係我最覺得佢無恥既地方!
    你最後一句講得好正解。
    有時,諗諗自己生活係一個咁低質素既地方,好無奈。

    回覆刪除
  2. 天下文章一大抄.......... 哈哈!!~
    [版主回覆05/31/2010 15:40:00]抄都抄得好少少丫唔該。

    回覆刪除
  3. 呢套唔係疑似抄, 係抄到十足十. 我倒唔明白, 不如直接比版權日本口米好lo, 咁大家仲可以同小說比較一下. 我日劇原著小說都有看, tvb佢d橋就暫時無抄口既, 即係偵探橋段冇抄, 但係佢人物, 關係, 場景, 設定都抄到十足十呢~~~ 真係~~~~ 無線都係算吧啦~~~
    [版主回覆05/31/2010 15:40:00]精準d黎講我會話你錯,因為佢冇福山雅治/精品配樂/明媚街景,無可能,絕對無可能有本事抄到十足十!!
    你都勁,咁都可以捱住黎睇...唔好勉強自己(拍肩)。

    回覆刪除
  4. 我以前都係RTV即ATV前身做過。我都好欣賞佢。當時劉家豪加梅小青d劇好正架。估唔到依家攪成咁。不過我1集都無睇。篤姬仲好睇過佢。
    [版主回覆05/31/2010 15:36:00]RTV?未聽過,幾時既事?
    其實創作,我覺得係有盡頭,如果唔係,金庸同倪匡就唔會封筆。我都當然一集都冇睇,我睇日劇都未睇得切,鬼有時間睇山寨劇!
    你睇左篤姬?

    回覆刪除
  5. 我未睇篤姬呀,有成五十集咁多都唔知睇唔睇好,唔好睇就。。。
    [版主回覆05/31/2010 17:10:00]嗯丫,先XX第一集睇下好冇睇囉。唔係atv有得睇丫...

    回覆刪除
  6. 問題係我已經開左好多個頭。。。阿北川同天海仲等緊我,如果而家再開多個宮崎葵,咁遲D撞正世界盃我咪 大鑊 。
     
    PS:亞視纏身咪麗的囉。
    [版主回覆06/01/2010 08:47:00]北川既零秒要睇,真係幾好睇喎;天海既BOSS好壞參半,我冇睇到冇comment,不過我對大姐姐既興趣...呃;宮崎係古裝劇,我除左阿信的故事睇過之外就未睇過啦。
    世界盃唔係仲有幾個星週??一日一集零秒咪剛剛好接住睇世界盃囉,btw你唔係NEET好多時間既咩?
    麗的知道,唔知叫RTV;我仲知道美的。

    回覆刪除
  7. 篤姬正式做果陣我係NHK台有睇。因為無字幕又係古裝。講嘅嘢有D聽唔明。不過我買咗海盜版。依家NHK台睇緊福山嘅龍馬傳。篤姬都有個板本龍馬。玉木宏演。同福山雅治, 江口洋介嘅龍馬還差好遠。
    難怪妳唔識RTV麗的電視。呢間電視台似大阪有人情味。有段時間打低TVB架。
    [版主回覆06/01/2010 08:59:00]古裝suppose台詞係古式所以應該唔掂,我都想買one piece version,50幾集要download都好煩。龍馬既故事,日本人好鐘意講,其實佢咁O型血人feel,崇拜A型既日本人唔係應該覺得佢離經叛道?玉本宏既chiyaki-sama好睇,係因為有chiyaki-sama既加冕,佢做love shuffle時暗左好多,甚至比唔上松田翔太&谷原章介;就正如山P有Naoki既加冕,會覺得佢好~有型,但係當佢做好冇鬼用既求婚大作戰時,就立即唔有型lu。但係福山雅治本身都已經好得,加上龍馬既光環,會非常吸引--講還講,我冇睇龍馬傳...

    回覆刪除
  8. 五星下的三星2010年5月31日 下午2:28

    TVB 一向都係咁,唔駛講劇集,就算好多綜藝節目,ATV 諗到有乜新料稍受注目,佢地就可以一句唔該照搬兼當正自己原創。 話你知,TVB 真係好多年冇乜點睇,而家除左新聞台偶然睇下(我寧願睇NowTV的新聞多d)真係完全唔知TVB 做緊乜節目。
    [版主回覆06/01/2010 09:03:00]其實香港既電視,我只係有睇星期x檔案,仲要係因為返屋企食飯所以睇;電視機,對我地黎講係=電腦mon,因為佢係駁電腦的;電視機亦=遊戲機;好幾年啦,電視唔再係電視。
    我知道呢單野係因為佢燒著左我個日劇。係呢,創作人唔係有自尊既咩?唔解可以厚住面皮黎抄人呢?

    回覆刪除
  9. 五星下的三星2010年5月31日 下午6:17

    我諗創作人有幾種,一種真係醒的,既可有自創性又搵到食。 另一種係堅持創作,但係搵唔到食。 另一種係向現實妥協,放棄自尊,只求搵食而變得以「參考」為生。 最慘的一種係就算抓破面皮去抄,一樣搵唔到食。
    [版主回覆06/01/2010 09:26:00]講得好好,好中。
    一句到尾,所有有關創作既事業,運氣同天份缺一不可。

    回覆刪除
  10. 同你返應一模一樣﹗我平時都唔睇電視,一行出廳見到呢齣,真係exactly 「妖﹗」左一句就行返入房!!!!!!
    抄人橋仲咁多藉口,「邊個邊個位日劇裏面冇架」,呵呵,呢d咪A貨B貨嗰D口吻囉﹗不過話《談》抄/似《神探伽俐略》都抬舉左佢啦,佢個實驗室雞到得啖笑,最難頂係林峰成日情深款款懶斯文懶係有魅力咁講野的腔調,我見到就打冷震,福山雅治型好多﹗
    仲有,人地日劇每一宗案件背後大多離不開同人性、情感有關的話題。呢樣野係東野圭吾小說精彩的地方,港劇點抄都最多係形似神不似。
    [版主回覆06/01/2010 12:28:00]果聲「妖」真係唔忍得!! >>不過話《談》抄/似《神探伽俐略》都抬舉左佢啦 正解!請問你頂左幾耐?I mean你能夠忍住打爛部電視既衝動,頂左幾多秒/分黎睇呢套垃圾? 部電視Mr. K新買架,成皮野,我唔夠胆係個果時段轉去TBB,你知我燥底好衝動架!

    回覆刪除
  11. 「妖!」得好 ,學生們現在大條道理抄,tbb誤人子弟!
    [版主回覆06/17/2010 10:52:00]In fact 我想偏少少音架,不過我係淑女黎架嘛!
    又唔怪得人,邊有咁多教壞細路吖,係個細路自己壞姐,冇腦唔怪得人咁多 。

    回覆刪除

隨機文章

Recent Posts