Related Posts with Thumbnails

Pages

2010年4月25日

澳門,地雷之城(3):非雷!「大觀音、三巴像...」


廣告極之可怕,莫怪乎人們一到播廣告時段便要上廁所、倒水、晾衣、轉台。自從開始計劃去澳門一趟,一說起澳門心裡就開始唱「大三巴!觀音像!媽閣廟景緻真優美!」之後便有兔女郎跑出來踢腿,踢丫踢,邊唱「咀香園、咀香園...款式最多最好味!」而這個病亦傳染到Mr. K去,可是他唱著唱著,便變成了「大觀音!三巴像!」第一次聽,居然還要停了五秒之久才搞清楚問題精結。


(再細看,原來片中的非兔女郎...)



大三巴本為聖保祿教堂,因大火而只餘下前壁。細看其上,每一層也有銅像雕飾,平日在書上所見的圖畫,絕沒有充分地表達到大三巴牌坊的精細手工:


「從牌坊頂部逐層而下,先是一個高高在上的十字架,其下再分三層,每層的壁龕均藏有一銅像,是澳門早年的製砲工廠所鑄造。十字架對下是一具鴿形銅像,據云是代表聖神,像的旁邊圍有太陽、月亮及星辰的石刻,象徵聖母童貞懷孕一剎那時光。


銅鴿之下是一個耶穌聖嬰雕像,像的旁邊刻有用以釘死耶穌的工具。第二層的正中刻著一個童貞聖母雕像,旁邊以兩種花朵圍繞--分別是牡丹和菊花,前者代表中國,後者代表日本。雕像左方還刻有『永恒之眾』,一艘『葡式帆船』及一『面目猙獰的魔鬼』。右方則刻有代表生命之樹及聖母征服魔鬼並剌穿其骷髏的圖像,象徵正義戰勝死亡。第三層的下面有一層壁龕,有四位耶穌會聖人雕像。牌坊的底部有三面大門,正面的大門上刻有拉丁文MATER DEI字樣,意即『天主聖母』,兩則的門上刻有耶穌的記號"HIS" 。」


我沒有宗教信仰,甚至有點小抗拒,可是當我親眼見到這座象徵著天主教的牌坊時,我心裡居然有種莫名的感動,覺得胸口似有東西要從喉頭湧出來般,縱然四周吵耳不堪、人聲鼎沸,但在牌坊的四周似有無形磁場,把聲浪都壓下來,告訴你,這是莊嚴的地方。背著一百七十五年歷史,吸取芸芸眾生的磁場,大三巴牌坊彷彿成精了般帶有生命。



〔圖:都是人...〕


與之相比,威尼斯人的整組建築群,雖大但卻只是沒有靈魂的死物。空有外表地存在,十足偉大的祖國最喜愛的風格──切!舊的東西誰要啊!要起新的大的才人家知道咱們是強國!



〔圖:不細仔看還可以。〕



〔圖:細仔看,窗門都是假的,手工極粗糙,似華納影城的佈景板。〕


******


《澳門,地雷之城》


(1):Restaurante ESCADA
http://hk.myblog.yahoo.com/meiji_fooa/article?mid=2417


(2):比正餐更有保証的小吃
http://hk.myblog.yahoo.com/meiji_fooa/article?mid=2430


(3):非雷!「大觀音、三巴像...」
http://hk.myblog.yahoo.com/meiji_fooa/article?mid=2472


(4):最後的碎碎念
http://hk.myblog.yahoo.com/meiji_fooa/article?mid=2547


6 則留言:

  1. 即時諗起大河劇。中世紀葡萄牙同西班牙同日本交易鐵炮。令戰國時代打開新一頁。對唔住..我撐咗去日本。
    [版主回覆04/26/2010 14:48:00]我明,基本上成個人既mind set都係係日本...
    講開,去東京張ticket爆貴,要成近四千蚊一張...點算?!
    係葵芳個賊店要執啦!不過據可靠情報,係果度樓下會開一間新既。

    回覆刪除
  2. 哈哈..一雞死一雞鳴。多謝情報科嘅同事。妳果段時間去邊都貴架噃。諗諗Taiwan啦。
    [版主回覆04/26/2010 15:36:00]我之前七月返去邊洗咁貴,貴左成1000-1500...
    唔去?!咪顛,唔好講d咁天真既野...
    日本!我係唔會放棄祢既!

    回覆刪除
  3. 「大觀音!三巴像!」 <--- 唔得呀,笑死我喇。
     
     
    老實講,唔係睇唔起阿大觀音三巴像,只係教堂lee家野唔好話歐洲咁遠,就算任何一個西方國家,隨便擲舊石頭都會打中好幾座幾百年o既,何妨佢只係一座炸剩一面牆的,不如妳近近地落大洋洲走轉,包妳不斷"有東西要從喉頭湧出來"。
    [版主回覆04/27/2010 10:52:00]第一次聽果五秒之後都係爆笑!最好笑係居然又幾match喎!
    係丫,我都覺得歐洲既會好得(西方國家又有教堂既除左歐洲請問仲有邊?菲律賓?),但as at today我只係去過輕井澤睇教堂咋!有錢有假都去左日本,歐遊的確心願但係次次係心裡面battle都輸左比日本...

    回覆刪除
  4. 馬來西亞係回教國家吧。。。歐洲一來貴,二來如果冰島再爆一爆真係去到都唔知幾時返到o黎,所以落大洋洲(紐澳)係最好選擇,就算連佢地D大學都好多有附設D百年教堂架。。。不過比我都係去日本賣國算了,哈哈哈。
    [版主回覆04/27/2010 10:54:00]咩丫,我話菲律賓喎,唔信你睇下。
    而家賣國都唔易,因為太多人爭住賣--去日本機票要三千幾四千!不過no one can stop me!國我係一定要去賣架啦!

    回覆刪除
  5. 個廣告真係....
    [版主回覆04/27/2010 10:51:00]正爆!

    回覆刪除
  6. 近排開始有D欣賞中川翔子。唱歌又玩雙截棍。佢個blog每上一次都有更新。最近鋼練張CD嘅衣著都幾特別。妳對佢有咩睇法呢?
    [版主回覆04/28/2010 16:08:00]我睇過佢上嵐既一個節目,呢個女仔神神地架喎...哈哈!佢太宅男女神FEEL,我頂唔住...

    回覆刪除

隨機文章

Recent Posts