Related Posts with Thumbnails

Pages

2009年11月6日

Miss E的故事:靈異檔案篇

Miss E 是樂天開朗、笑料連連的陽光女生,她的那間「哈佬喂」宅,我常去。日照差得一如所有古舊屋邨,而一家四口為著守衛僅有微小而奢侈的私穩,在如東京酒店房間的小小斗室,再自行加建木板牆搭成獨立房間,日照便更差了。直到她搬離之前,身為好朋友的我也一直沒有聽說過這些故事。


事件簿一:


那個星期天的早上起來全屋只剩她一人,梳洗後便開始溫習。


坐在桌前正專心的她忽然聽到CD機傳來電台的音樂聲,她嚇了一跳跑去看看CD機是否壞掉了。在途中那幾秒電台的頻道不停自行亂轉,聲浪亦忽大忽小的胡亂調教,她按了按開關鍵但沒有任何反應,情急下便拔掉電源,終於,它停止了。但,寧靜只佔據了三秒便又失守,這次是電視機自動開啟,頻道亦是亂轉一通!暗叫不妙的她立即跑到窗邊並拉開所有窗簾、打開所有窗子,讓不多的陽光照入室內,電視機才安靜下來。


簡直是經典的鬼故。


事件簿二:



如圖中所見,那間房子有兩個房間,分別是Miss E跟她姊同睡一室,她雙親則在另一間房;「碌架床」貼著牆放置,她睡下層姊姊便睡上層。她說那之前是她父母親睡的,放著「碌架床」的地方本為4呎雙人床(嗯,我成長的年代大家都是這種狼狽境況。到小孩們出身了,整個家庭的環境才能真正的改善。),她母親一直都沒有告訴她為什麼要轉換環境,搬離了才跟她說:「其實,這件事我沒有跟誰說過...妳知道,床子那麼窄小,我睡內側的總會貼著牆睡。那天晚上,我睡不著轉了一下身子,由面向外轉向內,手一揮過去撞到牆了,清晰地聽到有人說:『啐!別靠過來啊!』」


「...令壽堂真夠義氣呵!自己『撞野』就讓妳們睡那間房間!」我笑著說。


「嗯啊!後來到我睡的時候...」


那天晚上她都已經睡著了,由深入淺的睡夢中似乎被什麼吵醒:「呱~~呱~~呱~~呱~~~」側躺著的她細聽:從床下傳來刮木板的聽音!一下、一下有節奏而清晰地用指甲般的硬物刮著床板!瞬間,她彈起來整個人清醒了!!全屋也只有親人們的呼吸聲...


「可能有老鼠!」曹博士上身立即分析並找理由的我如此說。


她眨了一下眼睛:「我也是這樣想,所以我便起來看床底下了!」


「哇!妳也真勇敢呢!」我的話絕對動也不敢動!只能自行自言自語自我安慰說有老鼠。「那看到了?」


「Nothing!」果然。「於是我又再躺下來了。一躺下來便又聽到『呱~~呱~~呱~~呱~~』,於是便快速地彈起身再看床下有什麼,也都是Nothing!」其實現在想起來有something才得人驚。想想看一探頭看床底便跟那something四目交投...


「每一次躺下便會聽到,煩死人了!」


「那妳怎麼辦?」


「生氣了!」


「生...氣了?」


「嗯,生氣了!吵死人,自己不用睡也要體諒別人要睡啊!明早還要上學呀!於是我便把頭貼著床舖,細聽何時有『呱~』聲,一有我便刮床!頂佢丫,我夠有指甲咯!!」說畢還要案件重演一次她如何以指甲刮被單卻能發出不輸敵方的聲勢。我爆笑!極之欣賞她的態度:與其恐懼不安,倒不如憤怒更為上策!果然是合格跟我當好友的怪人。據說在「還拖」之後不久「對方」便沒有再打搞她了。



事件薄三:


古怪事總多發生在晚上。那天他們家剛關燈入睡,才躺下不久便聽到房外客聽傳來「有人」穿著拖鞋走路的聲音,從廁所那頭進入屋內,通過廚房,經過餐桌時還碰撞了一下。「他」走到Miss E的房前停下,再走回去客廳站了一下,如是者來來回回最後在沙化上坐下。Miss E說因為她家沙化太舊的關係,坐下來都會發出彈簧吱吱聲,「他」坐下來之後不停的改變姿勢,沙化就不停的發出「吱吱」的聲音。


全家人也都還沒有入睡,也都屏息靜氣地聆聽著。親人們有沒有睡著是不用說出來也曉得的,反正那氣氛很明顯的表示著──大家也聽得清楚明白。如是者靜候了半小時之久,外面還是有一聲沒一聲地傳來「吱吱」聲。


「全家都沒有睡著嗎?妳確定不是妳媽坐在沙化上?」我問。


「確定!也極確定大家也是醒著的。」她用堅定的眼神看著我。


「之後呢?」


「火來了。」


「火?」


「心火。」噗!哈哈哈哈哈...「笑什麼?躺了半小時也睡不了誰都會有心火吧!!我就是不能忍受那種寂靜的等待啊!於是我便起來『啪』一聲粗暴地打開摺門!」


「看到了什麼?!」我瞪大眼。


「沒啊!只有神枱的紅燈亮著,沙化上什麼都沒有。我那時想反正都起來了就看卡通吧!於是便關著燈帶著耳機看了一整晚的VCD!還要久不久用力地坐在沙化上彈彈發出『吱吱』聲,車!我夠識整聲出黎咯!」一貫的作風。她說時還帶著一臉睥睨,似看不起家中靈體法力低微未能作出更驚天動地的行徑!


******


Miss E的態度感染著我。她的這種性格跟我一樣:有火。人會動怒便能壓下難過跟懼怕的心情,與其站著大哭或發抖,不如生著氣的向前跑。不過不同的是我只懂把悲傷轉化成熊熊怒火而未會將恐懼轉化成憤怒,看來我要再多加學習了。




延伸閱讀:


(案情跟進)Miss E的故事:靈異檔案篇(前傳)(此文下集請務必前往)


說過的鬼故事<大興邨奇妙物語:升降機>


Miss K的故事:台灣酒店「撞野」篇


7 則留言:

  1. 好得﹗三個故事都好得人驚﹗
    你個朋友好勇敢,出廳坐沙發已夠勁,最勁係佢夠膽死望床下底﹗
    睇完我就諗起細個嗰陣,試過成家人入晒房瞓覺,聽到客廳有人推椅子;甚至試過半夜聽到有人好用力敲大門,阿爸阿媽一齊出去開門,發覺走廊一個人都冇。
    更離奇的係,我哥、我妹大約一歲左右,試過連續三晚撘正十一點就喊,喊到過左十二點先收聲。阿哥的事當然係我媽覆述啦,但阿妹就真係我親眼見證過,我妹一歲時都幾精靈識講少少野,我問佢做乜喊,佢擰晒頭話:「我唔知呀……」三兄妹裏面得我冇試過咋。
    哇﹗我打呢個留言打到起雞皮……唔講喇
    [版主回覆11/09/2009 08:43:00]我個 fd 的確激堅,我五體投地。
    其實 touch wood 我本人好少(勉強黎講得一次)有呢類奇妙事件,我既驚有 99.9% 係自己想像出黎,學你講 switch on 左想像鍵就開始自己嚇自己,一遇到咁既情況我就會想起 Miss E 講呢幾個故仔既表情,完全係睇唔起佢地咁無料到囉!諗到呢度就唔驚架啦!

    回覆刪除
  2. 妳幅圖好似生化危機張地圖呀。張床下面係咪有秘道架。騎樓係咪通去第一實驗室架。我人生有幾次夜晚零晨都聽到好清楚嘅怪聲。經我後來查證後原來係同一樣野做。就係大強(大曱甴)。嘩真係好大隻。後來都比我殲滅。唔殲滅仲恐怖。
    [版主回覆11/09/2009 12:26:00]嗯即係拎左地圖都冇拎都係會迷路果隻啦,即係你而家話我畫得好差咁啦~
    我娘家既小強都係大強黎,一定係街外面走入黎,因為我屋企冇可能養到咁大隻野!我呢篇有講: http://hk.myblog.yahoo.com/meiji_fooa/article?mid=78
    大強係半夜三更夜深人靜時連行路都會聽到有聲,諗起都起雞皮!
    BTW我睇左Arashi around asia既live,好多花巧野咁,唔似BoA, Amuro, Speed, Koda Kumi咁會跳足全程舞,我都幾失望...

    回覆刪除
  3. 唔係唔係..妳幅畫拍住唐伯虎。簡直有如滔滔江水連綿不絕。嵐2008演唱會剩係開頭D花邊野都睇到有D悶。好彩唔係買正版。咦妳睇BOA架咩?
    [版主回覆11/09/2009 14:00:00]兩年前既BoA好吸引,後來愈來愈韓妹feel我就冇再睇佢lu~好懷念幾年前既佢,睇佢第一場Live所帶比我既驚喜,穩定唱功加唔欺場既舞蹈。
    拍得住唐伯虎咁厲害?咁我得閒真係要畫多幾幅啦~!

    回覆刪除
  4. 有時真係好矛盾。睇海猿果時都幾鍾意伊滕英明。但依家睇零秒出手又唔想佢同北川景子。同睇求婚大作戰一樣。自己都鍾意睇滕木直人D劇但又唔想佢同長澤正美結婚。咁啱2套都係山下智久。
    [版主回覆11/10/2009 11:27:00]呢d就係配角都主角既分別啦!所以話做人最緊要要做主角,雖然做主角好辛苦...伊滕英明係buzzer入面個頭好亂,山p雖然成日要做運動但都可以keep到個頭咁企理,加上佢戲中性格溫柔到我唔信有男人係可以咁溫柔囉,又點會唔buy 山p多過伊滕呢?你睇到第幾集丫?

    回覆刪除
  5. 我睇到第5集囉 。應該呢個星期睇完。呢個戲種以前一定係木村做。依家富士比山下上位呀?成日做月9嘅。不過都好過成日比木村做晒。依家熱烈等緊東京DOGS完。呢排TVB劇集台D人成日打黎又煩。最攪笑佢上次用華麗一族黎引我。佢都傻嘅。我跟住忍唔住同佢講我睇咗。佢即時冇聲出。佢重問我係邊道睇。我咪話我買碟睇囉。再度冇聲出。好攪笑。
    [版主回覆11/10/2009 14:25:00]講真歲月不饒人,木村都有疲態,你睇佢係Mr. Brain我本人覺得無以前既charming,不過都好有可能係因為劇本太爛,發揮唔到。木村眉間有不服輸/輕挑/目中無中既吸引力,呢d都山下表現唔到既,就算係code blue既年輕但有技巧既醫生,係佢手中會一板正經多過自視驕傲,但時下興草食,木村係草食唔黎架啦,山下就本來(演員本身既性格都似)草食,加上無論係求婚大作戰定Code Blue最係該年既最高收視,佢已經變左收視保証喇,木村地位都幾危。
    我試過同sales講:日劇?唔好玩啦,睇呢d野要比錢既咩?兩個哥哥仔立即忍唔住笑。

    回覆刪除
  6. 咁木村妳最鍾意佢邊套劇呀?我最深刻印象係"從天而降的千億棵星星"最後一集。深津繪梨知道木村同佢有血緣關係。但又深愛佢。誤殺木村後同佢條屍一齊坐船出去湖中心。深津同佢個幹探阿哥對望面帶笑容自殺。幹探阿哥無奈地睇住佢個妹死。傷心地向天一望。此時見到天上的千億棵星星在閃耀着。很淒美。此時我都忍唔住眼濕濕。
    早幾日我係奇趣天地(唔知妳有冇去過,有好多野賣,包括玩具)見到有Mr.2賣。抵唔抵死呀。佢要賣$348。但幾靓喎。攪到我心旭旭。無理由用3百幾蚊買Mr.2架。係都買阿奈美或者比比哦呵。
    [版主回覆11/11/2009 09:10:00]無睇過呢套,咁悲傷既劇我會受唔住...我鐘意睇佢做GOOD LUCK!!,個果時期既佢最意氣風發,最吸引。
    咁貴買黎做咩?!
    昨天Mr. K去左你講個間買海盜版既舖頭,果然係好介紹!買左Smap(好在唔係買正版,唔係就真係喊都無謂!),買左コブクロ同Exile!真係要搵日本宮親自出馬去掃貨!

    回覆刪除
  7. 其實事件簿一可以理解為因為潮濕,電路出現問題,好似電視或收音機突然自動開著都唔出奇,我以前都試過。
     
    事件簿二,好多時聲音以為由一個地方發出,但其實係由另一個地方發出。
     
    而事件簿三。。。。。。太恐怖吧。
    [版主回覆11/17/2009 09:20:00]哈哈哈哈,原來你先係正版曹教授!的確,冇正式見到都不能說是有,的確,有很多理由可以嘗試解釋種種奇事,嗯,但咁就冇故仔講啦。
    久未露面,你好嗎?

    回覆刪除

隨機文章

Recent Posts