Related Posts with Thumbnails

Pages

2011年11月28日

2011年秋季日劇:男人?




我想了好久,下面那兩位,誰較差勁?


 


一名育有四子女的己婚男子跟女下屬戀上,欲雙宿雙棲向元配提出離婚,豈料髮妻受不了打擊自殺。男子以「不想再欺騙別人」為由,拒絕對死了母親的稚女說一句「爸爸愛妳」,並獨自離去,只遺下保母來照料四子。他一再纏繞「前小三」──「前」是因為女方已經大打退堂鼓,但同時亦拒絕元配的父親收養子女,而拒絕的方法是「跑掉」,還要是一扑一碌。


 


另有一名男子,苦苦追求女同事,得手後因懷疑她與其上司曖昧不清,規定無論何時只要他向她發短訊,必即回覆;天天要求女方到自己家過夜,直到女方受不了,表示「痛,可以不那麼頻密嗎」後立即反臉分手,就算在女方哀求說「求求你不要...去你家去你家,痛我也忍下來...」之後也還是拂袖而去;回到公司便發放謠言說這女生不忠不潔,迫使她被辭退。


 


前者是窩囊但起碼該付的錢他都有好好地付,後者連錢都免掉還「0趙完唱」;但前者卻不愛髮妻不愛子女還出了人命,而後者則因愛而想要獨佔女方。


 


到底,哪一位比較糟糕?


 


先把這兩個最糟的放一邊。本季日劇的男人們還真是非一般強勁地一級糟!


 


<家政婦三田>中有一個光會喝罵打人、獨斷獨行的外公;一個乘虛而入、玩弄下屬感情的上司。


 


<我無法戀愛的理由>中,有一個口口聲聲說前女友是「親友,親友」的自私男,無視女方的感受,一味裝傻地利用她的率直;有一個背叛妻子愛上別人的不育男;還有呆頭鵝一樣的警察,理應勇往直前,卻一碰壁便即打退堂鼓;嗯,還有一個客串的,對女生說能介紹工作誘騙上床。


 


<推理要在晚餐後>有個明明聰明卻不知為何甘心當區區管家的男人;<専業主婦探偵>是有所欺瞞的丈夫;<DOCTORS>有一堆愛錢愛名愛利的醫生;<11人もいる!>有一個光會生不會養的「藝術家」父親;還有<妖怪人間>有隻妖怪。


 


如此說來,<南極大陸>的男士們及狗狗還真是人格高上。


 


再把以上所有虛構角色放一邊。最近紅起來的那個男人,用人渣命名之該不過份吧?


 


那名已婚男子,在飯局上眾目睽睽之下對新人同事上下其手及多番抓住強吻,東窗事發之後先是不認並放風說自己以後要「帶眼識人」,拐了彎來指控女方,到發現死雞也撑不起飯蓋來時,便拖著腹大便便的髮妻,公開聲淚俱下、痛哭崩潰地道歉。


 


比起來,當年全城皆罵的另一名單身男子,淘了心思地買高級情侶手鐲來逗女方(們)高興,名牌飾物、(so-called)有品味的打扮、還有充滿愛意的拍攝手法,誰敢說他是賤男?起碼從照片看來,女方們都是快樂的呢!


6 則留言:

  1. 日本仔嘅創意我地望塵莫及,不過連續兩年拍劇成績唔好(我唔會話南極爛,只係月戀爛而已),難怪連日本仔都覺得佢要轉運,改名係最低B....大家又點知木村大宅入面可能SET咗風水陣添呢?(都係冇乜創意) 南極唔係難睇,而係唔知點解大家會覺得好好睇而造成期望落差,呢D故事題材係咁架啦! 不過除咗導演問題之外,阿倉持係木村近年同類型角色中性格最扁平(即係華麗一族、武士的一分、CHANGE),偏偏D戲又集中晒喺佢度,咁冇計,佢想做戲咪不斷搵位攝,攝得好辛苦吓囉~ (集中晒喺佢度又唔畀戲佢做....十年前最當打嘅木村都唔會係咁啦,何況而家?) 不過你篇文講得啱,一定係D觀眾覺得咁人格高尚嘅男人同狗太假,所以有排球睇排球,有綜藝睇綜藝,有偽韓劇睇偽韓劇~ 就係唔睇你囉>////<
    [Ka Bo Gabriella回覆12/22/2011 12:15:52]不過真心說,三田菜菜子後面演技好神
    [Ka Bo Gabriella回覆12/22/2011 12:14:41]的確11人不及自戀或流星之絆或TBS任何一部宮藤劇,不過比未來講師好,而且我對宮藤是偏心的,夠無聊白痴的真田家已經在我心目中打嬴倉持WITH RIKI太郎次郎或者三田菜菜子,又或者仁醫或MARUMO,默默成為本年度我最心水的日劇XDDDDD 今季日劇真係有神采,同時都係想同南極平反一下,咁嘅題材同導演,HOLD到一個W型收視,無論木村演技係咪屎,本身都係一個奇蹟(點講都係TBS傻仔啫)
    [版主回覆12/22/2011 09:15:08]我開初對宮九好有期望,唔知係咪因為咁而覺得十一人唔太好睇。三田我係群眾壓力下(huh?!)而邊飛邊睇。總結:今季日劇係終於比較回復水準,收得好唔收得好,起碼成為話題。
    [Ka Bo Gabriella回覆12/20/2011 21:53:52]其實最後三集主力講狗幾好睇,只要你接受所有人物設置都係為三隻狗狗而設就唔會好似出面d人咁鬼殺咁嘈~ 我會補返「無仔嘅原因」(好名!) 不過宮九的11人都幾好睇,我受呢套多過三田囉,雖然三田劇本真係工整地好~可惜我唔buy日本師奶劇的XD
    [版主回覆12/20/2011 15:15:19]最後一集高收,叫做飲得杯落咯。今季我最推<無仔既原因>,對白寫得好。
    [Ka Bo Gabriella回覆12/07/2011 14:21:52]不過呢個係史實~反正你儲開嚟睇,一口氣睇會好啲,好似第八集我覺得事後再睇番感覺好過直播,btw第八集木村腫咗但戲好咗,個人意見啦。
    [版主回覆12/07/2011 14:15:10]佢地留狗高飛單野真係幾過份--人類,果然就係人類。我黎緊既對策係咁既--唔睇幾集儲住先,之後一氣過ko佢!!
    [Ka Bo Gabriella回覆12/07/2011 13:55:43]我已經接受咗佢拖戲拖到冇朋友的STYLE(呢個亦係收視跌的代價~)~~~ 第8集如果論木村表現我更推許(好過第7集喊成咁~)
    [版主回覆12/05/2011 10:06:13]我追到第七集啦!講真,超拖戲。

    回覆刪除
  2. <<推理要在晚餐後>>那位管家, 可能是有什麼原因要當管家也說不定啊. ^___^
    可能是她老爸特別請來的也說不定啊.
    [版主回覆11/30/2011 11:45:19]這基本上也不難猜,只是,好端端的去做這種太監工。。。

    回覆刪除
  3. 其實我地成班馬蘭奴真係要多謝E.CHAN先生, 如果唔係有佢, 我地呢世都無可能睇到咁多嘢, 另最近陳姓的一位, 個老婆原來係蝗虫國的性感媽度, 哈~男主角仲出黎做完場戲跟住同大肚婆去老鼠樂園, 套劇好爤!!
    [版主回覆12/07/2011 14:10:02]咁why don't you 升姐,升下囉咪又唔洗比錢。
    [仲間回覆12/07/2011 11:32:03]Yahoo強迫我升呢,唔升唔比開blog。。。
    [版主回覆12/07/2011 10:38:42]我又係去唔到佢到。佢似乎放棄左...
    [五島回覆12/07/2011 00:38:47]仲間君, 我去唔到你地盤, 想通知你全職獵人出咗第28期。
    [版主回覆12/05/2011 09:44:47]都要佢上山先有狼遇既
    [仲間回覆12/03/2011 10:07:43]覺得係天真嬌翻版,只可憐阿陳生上得山多終遇羊皮狼。
    [版主回覆11/30/2011 11:57:25]紳士陳套閃卡風雲係國際級數,唔係呢隻mic(mad in china)戲可比--連日本forum都有足本播放,就知有幾國際。∧( 'Θ' )∧
    [版主回覆11/30/2011 11:53:35]佢一開口就知邊樹鄉下啦!比著港女,一早一腳申佢出公海!仲等黎同佢做戲啦喎!果然啦,內地佳麗真係零舍唔同。爛戲有爛戲既睇法,話說果日喊苦喊忽會,睇到我一家四口卡卡笑:演員喎仲話,屎戲到嚇死人。

    回覆刪除
  4. 南極大陸很好看嗎?
    [版主回覆11/30/2011 11:44:04]未到「很」但一定不會難看。(^_-)

    回覆刪除
  5. 好久沒有新文章了,很忙嗎?
    [版主回覆12/07/2011 10:38:10]唔會,你可否幫我”問候”我老細叫佢老人家唔好再虐待我?應該會好返。
    [wl回覆12/06/2011 00:59:23]保重!有我問候你,是否會好些呢?
    [版主回覆12/05/2011 21:52:45]病了。。。

    回覆刪除
  6. <我無法戀愛的理由>
    你都說了兩個男角色了……
    我即時聯想到那一幕……
    "天天要求女方到自己家過夜,直到女方受不了,表示「痛,可以不那麼頻密嗎」後立即反臉分手,就算在女方哀求說「求求你不要...去你家去你家,痛我也忍下來...」之後也還是拂袖而去;回到公司便發放謠言說這女生不忠不潔,迫使她被辭退。"

    但幸好最後有個好的結局……
    [版主回覆04/08/2012 21:54:01]啊,不過以後唔洗搵個份工呢一點都係好結局既。
    [版主回覆04/08/2012 21:53:25]我本人覺得佢個結局都。。。嘛嘛,要做人後母喎!嘩,做人後母喎!

    回覆刪除

隨機文章

Recent Posts