Related Posts with Thumbnails

Pages

2011年11月8日

2011年秋季日劇:〈家政婦三田〉




本來我在事前絕不看好的〈家政婦三田〉居然成為本季劇王收視第一,我特意去看看了解那是為什麼。


 


呃,是為什麼呢?


 


我覺得〈我不能戀愛的理由〉的劇本及對白比較吸引,而〈南極大陸〉則起碼以本傷人,還有〈推理在晚餐後〉是看人看得舒服就好。〈家政婦三田〉大收旺場,是為什麼呢?


 


看完三集之後,我還是沒有答案。


 


首先一點我能確定的,主角松島菜菜子(或其經理人公司)在播完第一集之後,鐵定是後悔了。後悔讓菜菜子以近乎素顏的妝容出鏡。嘩,那法令紋!嘩,那眼窩!嘩,以後還用替SKIIShiseido之類的賣廣告了嗎?當然你可以反向思考,認為「連如此這般的菜菜子也能變天仙!」更有廣告效力,但明顯,松島菜菜子(或其經理人公司)不這麼認為,因為,在第二集近尾段,她又化起妝來了!!那木無表情的三田家政婦,化妝了!!而在第三集,更在眼尾處帶了半副假眼睫毛,你別以為我是〈推理在晚餐後〉的千金小姐,是瞎的好嗎?


 


然後第二點我能確定的,我真的很討厭小孩子。這套劇說穿了其實是變了奏的家庭劇種,如〈女王的教室〉、如〈GOLD〉。每集均有小孩在哭,那是怎麼的一回事啊?!


最後第三點我能確定的,雖然我逢哭必飛(就見淚便快轉),但我暫不會cut劇,因為我還是想知道在三田身上的謎。最好丫編劇先生真的有好點子,不然我會抓狂。


 


P.S. 那位編劇也就是當年寫〈魔女之條件〉的遊川和彥,〈白晝之月〉、〈女王的教室〉及〈不屈的女人〉也是他的作品。只盼情節到尾別太狗血。


5 則留言:

  1. 如果是女王的教室的編劇, 應該能讓人期待一下啊.
    為什麼能冠軍, 原因當然是師奶觀眾王道的原因啦.
    她們可能很高興菜菜子也不過是這樣吧. ^___^

    看來Miss K也ok了yahoo的改版了吧. kakaka ^__^
    [版主回覆11/10/2011 12:08:15]新版yahoo,努力忍耐中。要搬實在太煩,忍得一日得一日。
    [版主回覆11/10/2011 12:01:01]>>她們可能很高興菜菜子也不過是這樣吧<<--這,很壞心眼吧!我倒覺得可能是家家都應有一”台”三田,主婦們沉醉在有三田幫忙清潔的這個幻想中,就有如少女夢想偶像劇的王子樣是自己的男朋友一樣。引申,只要編劇多寫些三田強勁的打掃能力,應該已能保住冠軍?

    回覆刪除
  2. 呀!!我到依家都未明日文嘅片假名, 我一見到片假名就第1時間用英文拼音0黎諗個字, 原來ミタ係照解三田, 唔用みた。 片假名係我死穴!!
    [版主回覆11/22/2011 11:12:52]無腳雀呢個咁遠古年代既名詞,好心...
    [仲間回覆11/17/2011 10:47:54]唔好掛住我,我係一隻無脚o既雀仔 LOL
    [五島回覆11/15/2011 14:26:55]呵~唔好意思呀, 因為藤木直人果部長樣成日出現係腦中, 睇0黎我要租島耕作d書睇, Fairy Tails寫低咗, (哎吔..跌低咗)多謝一推。
    [版主回覆11/15/2011 11:58:50]仲間:願聞其詳。btw,你又係無見你幾日喎。
    [版主回覆11/15/2011 11:58:16]五島:部長職級太低,大概會比人白眼。最近睇緊Fairy Tails,好睇喎,推!
    [仲間回覆11/15/2011 09:57:22]歷史上片假名地位比平假名為高。
    [五島回覆11/11/2011 09:43:46]五...呀...拍, 噓梳~~我日日都上妳度, 不過梗係唔想寫blog, 果新架步令我無推動力寫嘢!! 加上又刨劇(不再哭泣的日子), 刨漫畫(MONTSER), 到12點又眼訓, 咪小咗出新嘢囉, 比次機會啦部長。
    [版主回覆11/11/2011 08:43:03]比五我,我又係好怕片假名!你如話點解唔用”三田”用”ミタ”,我覺得因為咁寫神秘d,配合三田神秘既背景。係喎,無見你幾日喎醫生。

    回覆刪除
  3. 呢套劇,令我覺得原來日本觀眾D口味同香港都幾類似XDDD 三田簡直係為主婦們度身訂做,對照繼續肚瀉的南極.....唉.....
    [版主回覆11/15/2011 12:02:08]上周已緊貼歐股瀉至歷史新低:13.2%!!我覺得呢個星期若然傳出木村自殺/引退/殺人等消息都唔出奇。對比起三田,簡直如神蹟一樣既高收,而原因係來自於菜菜子脫衣侍少主?!蛤?!

    回覆刪除
  4. 唔係傳緊引退咩? 殺人或自殺就唔會嘅,賣樓有d可能,賠番畀tbs XDDDD
    南極而家嘅黑聞包括TBS不滿福澤克雄同飯島(福澤當正D錢係佢太爺印咁樣拍咁多套戲,D人眼紅呀,不過順便一提,香取的烏龍派出所電影版失收入咗南極數,鬼咩,原來石丸彰彥係電影版製作人,仁醫編劇係電影版編劇) 本人覺得南極係有問題,特別係去咗南極之後導演開始眼高手低有關~不過三田,D師奶話鍾意菜菜子D皺紋有演技喎:P
    [版主回覆11/29/2011 11:53:23]>>木村要改名做勝哉去轉運呢吓搞野<<我地兩個只係諗到d咩退出丫自殺丫賣樓丫,一D創意都冇吖真係!///Slow motion用得太多,太想迫人感動,講真我同mr. K係喊位都係邊睇邊笑:唔知要帶幾多國旗去既呢?但話唔好睇咩,又唔會,起碼我睇<三田>都要邊飛先睇得晒,但<南>就唔洗。呢單野入木村數真係唔扺,明明就係導演有問題。///btw,呢個討論串流太長長到唔可以係一頁回覆,可否新開一條?
    [Ka Bo Gabriella回覆11/28/2011 18:27:02]又冧市喇!最新13.4! 其實套劇一直都唔係唔好睇,而係冇迫切性去睇,據說日本錄畫率幾高,而且見佢有日本一就即刻飆上19,證明D人其實會睇,不過如果有其他野(例如大河劇、選舉、男排等等),就一定會放棄南極先,證明套劇唔COM撞~
    都係最近東SPORT話木村要改名做勝哉去轉運呢吓搞野D~搞鬼過佢要退出唔拍劇呀XDDD
    套劇本身呢....好電影囉,阿導演鍾意想點就點囉,BUY者會BUY(我BUY嘅,雖然都幾多不滿~) 越睇套劇越小眾,佢錯在用咁多錢拍套咁小眾嘅戲,愧對廣告商啫XDDDD
    [版主回覆11/28/2011 16:57:15]呵呵,話說而家等<南極>既收視報告好似等開市咁,好睇過套劇吖!再話說,我星期日補完至第四集,我覺得又唔會好唔好睇吖,問題係成日slow motion同d狗好煩咁囉。
    [Ka Bo Gabriella回覆11/25/2011 10:49:07]果兩套係比想像中收得,但都係一直冧~ 當然唔夠tbs慘烈啦,但點睇ntv先係大贏家,刺激到偽韓台開名批評佢地亂玩亂倫題材(ofcoz我係ntv踩佢都傻,rating is king!)妖怪人間我睇過,雖然龜梨終於開正戲路,杏夠正,鈴木福夠可愛,但收視咁好,除咗天佑ntv之外,我諗唔到其他理由
    [版主回覆11/25/2011 08:54:27]但fujitv既<我無仔既原因>及<食完飯先開估>都ok收得喎。妖怪人間,亦係一個迷,但我未吖,comment 唔到添。
    [Ka Bo Gabriella回覆11/24/2011 13:31:58]可惜飯島唔信邪....月戀益晒林志玲,累死木村囉.... 不過有好多日本人都唔信邪,又或者真係好窮,我好認真咁認為三田同妖怪人間收得,同NTV冇播過韓劇有關係(唔太肯定,但據說NTV係最唔親韓嘅日本台~).....日本人都有慣性收視架,仲要係電視台添! 至於南極,下集跌硬! 只希望因為劇情終於嚟料(人上咗船,但狗.....),等佢唔好跌得咁傷啦~
    [版主回覆11/24/2011 10:54:27]>>邊個咁聰明搵林志玲同佢搞埋D咁爛嘅愛情故事丫<<呢句中!!一有日劇係返大陸拍既我立即走夾唔抖。而家加一個地方:韓國。我要睇韓國人我會得黎去睇韓劇,做乜鬼野要加入去日劇度呢?!要知道係咪因為硬cue南極令其收視高,只要睇下一集既收視就分曉。不過一套劇既收視可以成為令人熱切期待既事件,勁吖!
    [Ka Bo Gabriella回覆11/22/2011 13:50:31]佢D觀眾緣喺月戀度碌走晒LU~邊個咁聰明搵林志玲同佢搞埋D咁爛嘅愛情故事丫?! (不過佢D觀眾緣不嬲都兩極......鍾意佢嘅女性,或者頂唔順佢變得咁大叔啩(可惜個樣仲係有D o靚,所以月戀白痴社長硬係欠D說服力)? 咁佢唔鍾意搽防曬咁去衝浪無計喎! 佢要人地唔注意佢個樣, 佢成功啦!><) 有人話13號因為D FANS去晒東蛋同佢慶祝生日,至於今次TBS係偷步咁喺日本一領隊訪問都未完就硬CUT去南極喎.... 總之,呢D收視都係問番親愛嘅TBS啦......BTW我追緊《天與地》XDDDD
    [版主回覆11/22/2011 11:19:26]本周<南>神奇返彈?!我未追到因為手上有<家政>同<戀愛>同雜七雜八(係囉,最近睇緊<fairy tails>同<夏目的友人帳>,好雜架我。///木村個樣係天生o靚,話說同佢一齊做mr. brain既同事既個位大叔,去到<南>便成白髮教授?!我同意佢做副教授有欠說服力,但都無話唔得(我當年大學既教授廿幾歲就讀到博士做大學老師啦),只可以話,佢用完佢既觀察縁咯。
    [Ka Bo Gabriella回覆11/16/2011 19:24:50]d人話菜菜子唔化妝好敬業,木村喺南極仲好靚仔d頭髮係啡色就好唔敬業喎.....唔係吓話?
    btw.......南極第3-5集其實冇佢d收視咁難睇,但個feel唔同咗係真嘅,本身套劇題材根本冇能力拉咁長,一拉自然出事..... 再強調:如果話木村呢套劇仲keep住靚仔樣,咁月之戀人果d叫咩?果個仲"靚"喎........ 木村好迷戀福澤係真嘅,但究竟邊個係邊個嘅福將,真係唔知...
    至於烏龍派出所,與其話係奇蹟,不如話呢d先至叫做終極任性.....我好心疼香取拍埋d咁嘅劇,猶勝於木村南極被人鬧到咁.......
    [版主回覆11/16/2011 10:00:55]菜菜子有冇演技就可能有,但係三田入面,演技唔係咁重要架下嘛,日日木起個咀同塊面唔係就得既呢咩??=.=噢,佢係有法令紋但皺紋ok啦,唔好亂講,女人呢d野分得好清楚架.嘿嘿///鳥龍派出所係一個謎,一個我想唔通既迷,話說我睇左第一集,再正確d係睇左頭三分鐘,我就敗陣啦,而呢套野居然出到電影版??出到都係一種成功///南極睇到第二集因為最近追fairy tails而停左,所以我仲停留係美好的第二集中。如果係呢個狀態下收皮...呃,引退,會好肉酸囉。福澤克雄,聽完你講我去左google佢,原來木村係佢愛將,由Good Luck開始到華麗一族,mr barin,全部係福澤克雄x木村拓哉,都唔知係邊個帶衰邊個。

    回覆刪除
  5. 我都睇緊, 但唔知有咩咁好睇, 但好似你咁諗, 想知三田O既不告人的秘書
    [版主回覆12/07/2011 10:35:28]第八集好似講左。個個都係好似我地咁諗,所以果集收視30%咁濟!

    回覆刪除

隨機文章

Recent Posts