Related Posts with Thumbnails

Pages

2010年11月17日

擇屋記(後篇)

上篇中篇在此。



我猜呢,我屋苑附近那三間大型連鎖地產代理公司的所有仝人職工,都知道姓K的這家人愛死了他們租著的那間房子。我甚至直接了當地說:「誰有本事叫到2座18樓以上的任何一間Z單位放盤賣我,我.就.買!」



P子一直為我們努力著,她真的叫動了23樓Z室的業主賣樓。那單位當時正在放租,我們約了幾天也未能「睇樓」,業主本來開價258,我們連支票都開出去了,他卻反口漲價至265。我們的心情就似坐過山車般,買樓本來就不是我們計劃內的事(我們從沒有計劃過任何事!哈哈!),一下子要決定買下一間二百多萬、連看也沒有看過的房子,那是花了很大的力氣來下的決心,誰知他卻不賣了。我心裡恨死租房子給我的業主!咬牙切齒的咒他全家,都是他害的。重新出發之後,又一直找不到合心意的單位,P子忍不住問:



「其實你們在這幾個星期中最中意是哪一個單位?是價格不對的話我可以想想辦法。」



「最中意的...不就是23樓Z囉!」對呀,我是強人所難,但這亦是真心話呀!



「他是沒心賣吧!一時約不成睇樓,一時又漲價。」



「...唉。不如妳問問,265是不是真的賣?我們買吧。」才幾天便多花7萬,我心裡只一個「頂」字──不,不是「頂佢」,我又怎敢攻擊有樓在手的業主呢?我是說我們「頂硬上」。



結果,262,DEAL。



後來簽約時見到那位頭微禿、打扮極之「樸實」的業主,當得悉他才27歲,地上跌了六顆眼珠加三個下巴!事後P子說:



「剛剛嚇死我了!我妹妹也是83年啊!」即是呢,忽然見到那如父兄叔伯般的男子居然跟平日見到83年出生的妹妹是同齡,那震撼可想而知。但實情是見到年份的那一刻,我們三個人也鎮定非常,鎮定得我以為P子早見怪不怪。我們後來戲稱他做83T──T乃姓的字頭。



Mr. K「嘖」了一聲說:「咁就比83T賺一百萬!」



我忍笑著問Mr. K:「用頭髮換來的,你要不要換?」



「呃...鬼啦!20歲買樓,定必是雙親比錢架啦!」



「唔係呢,如果要用禿頭換一百萬,換?唔換?」



「......」幾秒的天人交戰後:「咁一百萬又唔係好多,我自己都賺到...」此乃重於泰山的鴻毛,我想如果問那位83T要不要以一百萬來換茂密的性慾象徵,搞不好到他要一翻天人交戰!可惜,李生、何生都是禿頭的,可見有錢也許能使鬼推磨,但不見得能使髮重生。呵呵呵呵。



買下來了但往後的日子也不會好過。搬家,煩死了!









〔圖:我真的很想知道,我們是不是史上第一家用惠康手推車來搬家的人呢?〕



 


14 則留言:

  1. 部車重會唔會還的?
    [版主回覆11/18/2010 11:58:00]當然還!我要攞返一百蚊按金架!

    回覆刪除
  2. 用完部車重用唔用得的??? 睇樣都好重下喎~
    [版主回覆11/18/2010 16:25:00]用得!!個架奇蹟之車好勁架!

    回覆刪除
  3. 我都從未見過有人用超市車搬屋喎。係睇電視新聞見到D暴徒用黎搬野走囉, 好似幾好用咁。成部大電視都搬到呀真係咪講笑。
    [版主回覆11/18/2010 16:27:00]但係部電視唔敢用佢搬,因為架車會鄧下鄧下,最後"hand carry"左。
    係丫,我做左兩星期暴徒。

    回覆刪除
  4. 強!!!
    [版主回覆11/19/2010 11:28:00]
    每一次開lift門比人見到我地用手推車搬屋,都有莫明既興奮。

    回覆刪除
  5. 我只見過有人用黎坐 (係, 摺埋條腰坐入去睇電視............)
    [版主回覆11/19/2010 11:28:00]...舒服咩??

    回覆刪除
  6. 很羨慕你跟Miss Buta可以當業主啊^___^
    [版主回覆11/19/2010 11:30:00]她好一點,我只是準負資產,沒有什麼好羨慕的啦。

    回覆刪除
  7. 男人能夠老來仍保有烏絲可謂萬中無一,近年更越來越年輕化,我想過多幾年大家就見怪不怪,都係現金在手實際d。
    [版主回覆11/19/2010 15:36:00]
    諗清楚喎!比多次機會你:

    回覆刪除
  8. 用手推車搬家,運輸費也慳埋,服了你!
    [版主回覆11/19/2010 15:36:00]噢耶!最重要是按金能取回。

    回覆刪除
  9. 好鬼曬~~~
    [版主回覆11/19/2010 15:37:00](Empty)

    回覆刪除
  10. 負家產新力軍
    [版主回覆11/19/2010 15:37:00]後備姐後備姐。

    回覆刪除
  11. K姊樓下回應Bunnie,點解話我好過你呢?我同你同期買樓架喎﹗
    今日政府話減低按揭成數至最多七成……我好慶幸已經上左車﹗如果要我做七成按揭,我真係要賣晒股票清袋,裝修錢都要問人借呀陰公﹗
    [版主回覆11/22/2010 09:49:00]因為我層樓...爆貴
    妳講得岩,就算將來會跌市,呢一刻我地買到都係好彩,如果唔係按揭成數可以做到咁高,我要儲多十年錢先買得起...
    點講呢,一d事情表面上好似係禍--例如我比包租公迫遷,例如妳家中既不速之客--但當事情發展落去,咦?誤打誤撞又ok喎。

    回覆刪除
  12. 我用果架係百佳既,仲留響我天台度呀!唔好話俾人知呀?!
    [版主回覆11/22/2010 09:49:00]你唔還車咪冇得拎返一夠水囉!

    回覆刪除
  13. 係呀,搬完屋之後無左件事,一直就放響天台咯!
    [版主回覆11/24/2010 17:10:00]@@下
    side錢喎。

    回覆刪除
  14. 妳好醒...
    [版主回覆08/10/2011 14:01:17]架手推車?哈哈哈哈!!

    回覆刪除

隨機文章

Recent Posts