昨天談過了的「魔王」，「Truth」是其主題曲。一般來說是劇集令我認識主題曲的本身，但這次相反，因為太喜愛「Truth」而把劇集找來看，甚有「妹仔大過主人婆」之氣勢。
嵐的歌曲風格一向是白與藍般開朗，「Truth」配合著描寫人性內心暗處的劇集首次（吧？）令他們演唱一首屬於黑與紅的歌曲。前奏的弦樂已是滿滿的壓迫、懸疑、緊張，過場的minor琴聲更有悲傷、神秘之感，歌詞更是緊貼著劇集情節內容，尤其一句：「I take your life forever. You take my life.」嗯，真的，芹澤奪取了成瀨好好地活著的可能性，而成瀨真的奪取了芹澤的性命。我喜歡大野智的唱功，就是在合唱中也總能越過眾人讓我只聽到他的聲音，看過了「魔王」之後就更覺此曲有多麼的無奈跟哀傷。
延伸閱讀：日劇「魔王」：以暴抑暴有何不可？
發表文章
海盜版質素好呀。我多數係葵芳個葵興廣場好似4樓有間專賣日韓DVD嘅店舖買。１套２張嘅碟＄７０，散１套１張＄４０，買３套單碟＄１００。另外信和地庫都有。＄５０蚊１隻。但冇咁新同比較小。有冇睇東京DOGS呀？好似好正。我都好鍾意水嶋ヒロ。由冇面見人甲鬥王開始巳喜歡佢。萬聖節快樂。
回覆刪除[版主回覆11/02/2009 09:36:00]東京dogs好睇丫，雖然有某知名blog貶到不文一值，但我覺得呢套野好賞心悅目：２位１８０ｃｍ以上既大男孩＋橫睇掂睇都有氣質又可愛既靚女，劇情有笑料節奏又快，比起mr.brain好睇好多（Mr. Brain唔係木村根本唔會睇落去！），所以我都幾推介呢套。第一集有成宮寬貴客串，雖然佢冇水嶋同小栗高，但身型好好又靚仔，整體黎講我想話，睇演員既皮相都足以要追落去！
想請問你對上一次去葵興廣場間野係幾時？我要特登去一趟但又驚佢執左。
上次去係9月底。佢開咗好耐日子架嗱。店主個形有D似B'z個種。驚妳搵唔到。形容多D先。最頂果層有好多玩具店小食店。佢近玩具店果面。門口有部電視播演唱會。依家應該播MJ。客氣都要講多次。再搵唔到call我。
回覆刪除我昨日終於再去北角買到零秒出手啦。$25海盜版。重買咗幾套日劇。急救24, 魔女裁判同mr.brain。間鋪好難搵。之前都見過間鋪。跟住入去加入D C NINE一齊摷碟。硬買2隻台劇。再扮傻仔問老細有冇日韓劇呀。咁佢先叫個女仔帶我去附近大廈嘅入口指比我睇先買到咋。因我個樣太似刑警(竹野果隻呢)。上次係第2間失敗咗。今次終於成功倒破海盜集團。
[版主回覆11/02/2009 10:30:00]買開日劇推介多幾套：上季既俠義HELPER都ok，之前仲間既”嫁個好人家”同篠原涼子既”外派之品格”好好睇；我剛剛睇完既”魔王”其實真係好野黎既，同上上季既"THE QUIZ SHOW II"雖然第３－５集麻麻地，但整體都好睇；仲有深田恭子既”富貴刑警”好得。
可能星期六去，搵唔到真係要CALL你．．．到時就麻煩晒你啦！
俠義HELPER係咪草剪剛果套?富貴刑警好得?好..信妳。我星期日係sogo地庫買咗幾個近似青木菓子嘅食品。舖名叫mochicream有冇買過。$13-15蚊一個。個樣都好似妳講果D。我果日重去咗dap食早餐加午餐。影咗D相下次放係個blog道。到時CC。妳講果個某知名blog係咪K字頭架。專講日劇架麻。上人氣榜嘅。
回覆刪除[版主回覆11/03/2009 08:46:00]係丫係草彅剛，用黑社會黎包裝去討論老人問題，有時真係幾驚自己或許爸爸媽媽老左．．．ｍｏｃｈｉｃｒｅａｍ係咪有ｃｒｅａｍ係個雪米糍中間架？係，係ｋ字頭既ｂｌｏｇ，我都幾頂個ｂｌｏｇ唔順，但又久唔久去自虐一下。
係呀mochicream有cream係中間架。重有乾冰送。我覺得果個blog講野太主觀嗱。同埋唔知點解其他人覺得佢係型男。佢係型男咁金城無, 玉山鉄二,唔講外國明星。咁吳彥祖, 古天樂果D叫咩。咁妳知唔知依家點解咁多人去人哋個blog度留完幾句野就算呀。我同我個IT朋友研究緊。
回覆刪除[版主回覆11/03/2009 10:13:00]個d文本來係有內容既，唔知點解ｓｈｏｗ左出黎冇左內容．．．睇原始碼就會睇到佢地既正文。人地又唔會ｃｌｉｃｋ入去睇，又睇唔到正文，咁點達到廣告效果呢？！你地有結論話我知，我好鬼想知！
ｋ君真係好主觀，而且去佢ｂｌｏｇ留言都好以中左毒咁好攬佢！又成日明示暗示自己好多戀愛經驗同由宅男變身成型男．．． 我都成日去下，我想警戒自己唔好變成佢咁主觀，因為本質上我其實都幾主觀，哈哈哈哈．．．