時間：本日下午午膳時
地點：本地老式粉麵擋
「唔該，鯪魚球米走青。」我道。
「要咩話？」
「鯪魚球米走青唔該。」重覆。
「哦。鯪～～魚～～～球～～麵．．．」一筆一劃很認真呢！但我卻以為自己在看「麥兜食茶餐廳叫ABC餐」真人版。
「米呀，唔該。」重覆二。
「喔！鯪魚球米下嘛！」那語調十足我改了口風。
「係呀，走青呀唔該。」重覆三。見侍者還迷失在寫那個「米」字，我不厭其煩地重覆四：「走青喎唔該。」
「喔！！走～～～青～～～」看見她寫上去我就安心了。「要叫菜嘛？生菜菜芯芥蘭通菜。通菜今日靚喎，腐乳啦。」
「．．．．．．通菜啦咁。」
你道我寫這件事出來因為她沒有走青？非也。這次有好好的沒有下青蔥哦！（噢，多難得！正所謂不如事十常八九，我就十有八九喊了十九次走青也沒有走到。）我的驚訝發生在三分鐘之後。那時我正苦苦的避開跟對面食客四目交投，還得小心膝蓋不會撞到人家，佯裝日理萬機每秒幾千萬上落般狂按iPhone，正按得面紅耳熱時，侍者送上我的腐乳通菜，外加一張手寫帳單。我一看，嚇了一跳！
嘎！
什麼東西？
那碟通菜要１７元？？？？
我是叫腐乳通菜而不是叫腐乳「炒」通菜，即是白烚的通菜之上加上稀釋了的腐乳醬呀！！不對不對，腐乳炒通菜的話是要三十七元的。我明明之前來吃，一碟菜才問我拿十元！什麼時候香港連麵擋都來個時菜價了？！
最後是日午餐埋單四十三元不包飲料。為了壓驚兼化解口中味精感，我去了7-11買了下圖這支東西。
什麼味道？唔，想像一支雪碧開了瓶之後放上三天三夜再加500ml 清水，就是這個味道了。
發表文章
我中午食飯，都叫碟菜全走，初時會有四兩上下，而家只有不到二兩(重量是憑我賣菜多年心得)，物價飛漲，不過價錢只是四蚊。早陣子菲傭對我說:「Sir~，啲菜好貴啊，18蚊半斤菜心。」自此之後，又要加買餸錢。
回覆刪除[版主回覆05/08/2012 12:36:33]係喎都唔記得有切開一半呢招！尤其係介蘭更加要切！
我屋企樓下仲賣緊１０蚊兩包，但當然個包就大概得三兩半；２０蚊兩包既就好少少，一包油麥菜有兩棵既都，唐生菜仲要有三棵咁多！！講落講落，我想喊。
雖然咁諗唔啱，但我都幾ｍｉｓｓ經濟唔好個陣時。經濟好時我又唔會賺多ｄ（因為我並非從事投機性工作），經濟差又未淪到炒我，咁倒不如經濟唔好我仲可以買十蚊斤菜，食十蚊碗麵。
[ERIC回覆05/08/2012 12:23:53]最近菜價已回落了，但仍要10多元一斤。無錯二兩菜有兩三條，切開一半就有五六條。我見百住賣菜芯都要八九蚊一包喎。
[版主回覆05/08/2012 09:10:34]１８蚊半斤菜心的確是很～～～貴！！以前只有豆苗這種”高級”菜種才會以半斤作為一個ｕｎｉｔ地叫價，現在連菜芯都要半斤半斤賣？？老實講，我只係惠康百佳買菜，所以無ｃｏｎｃｅｐｔ幾錢”斤”，只知道十蚊兩包囉。
二兩菜係咪得兩三條？
我覺得跟外國比較，在香港食東西已經很很很很很便宜的了。
回覆刪除[版主回覆05/08/2012 14:23:55]算啦，同香港一樣囉，千瘡百孔咪又係只得黎係度住？
[仲間回覆05/08/2012 12:43:04]我放棄左架喇，Yahoo Blog，千瘡百孔，救返都曬藥費。
[版主回覆05/08/2012 12:23:17]或者"唔好天"都得。
如果呢個係你真身而事實上你又唔想人知，就搞搞佢啦！
[仲間回覆05/08/2012 11:54:54]無太陽。。。其實我o既真身係神無月
[版主回覆05/08/2012 11:28:14]我想問，點解我收到個留言notice咁古怪，話你叫”無太陽”既？
[版主回覆05/08/2012 11:27:00]係呀，個ｄ地區講緊收４０－５０％稅都唔出奇。
到你係個ｄ地區生活就有唔同玩法啦，佢收你個揚州炒飯錢咯，就總有人有本事問政府要返個瑤柱蛋白炒飯架啦！不過個果未必係你同我姐。
[仲間回覆05/08/2012 11:13:17]一年放妳幾日假，日日實收妳一百蚊個無揚州o既揚州炒飯(午餐)，晚餐一個double，得唔得先？
[版主回覆05/08/2012 11:00:29]稅收係高都都唔好忘記佢地福利好，放假日多，例如，英國公司既女性係生完仔之後可以放一段時間既揍仔假，而呢個假仲可以唔洗個女方放而由個男方放；日本，法例話女性可以每日早兩個鐘收工返去揍仔；土耳其就每日有兩個鐘餵奶時間比女性離開公司。（其實係生育假呢方面大陸都好過香港，係生完仔之後公司係唔洗比錢個ｓｔａｆｆ而由政府出錢比佢，ｂｕｔ當然某程度上呢ｄ錢都稅收所得。）
碟菜我冇走去同大陸比喎，我講黎講去都無題呢塊是非之地呀。定你口中既大陸係指台灣？？？
[仲間回覆05/08/2012 10:31:33]唔。。。當睇唔到呀！
你唔好走去同大陸比，17蚊食死妳都得呀。。。係各方面上。
妳班刁民身在福中不知福，無錯人地歐美國家係人工高，但稅收都一樣比天高。人地比幾廿蚊都只係食薯仔，香港行出街，漢、滿、蒙、回、藏，乜鬼都有得食。
[版主回覆05/08/2012 09:03:44]台灣，我覺得台灣平過香港，係台灣１５蚊叫一個麵／湯已夠飽，加十蚊有菜架有ｄ地方；日本，雖然表面貴過，但性價比高過，我錢俾得甘心情願；泰國韓國都唔會貴過喎。但要同歐美國家比就當然叫平啦，不過人地人工係我地一個開！ｅｖｅｎ三倍！
邊區啊？中環食都系十二蚊碟菜咋wor...
回覆刪除[版主回覆05/08/2012 09:04:24]灣仔，呢塊全港住戶平均收入最高既地方．．．．．．
我黎打工唔係黎住，窮等人家呢架咋．．．
菜上面果pat係法國南部嘅薰衣草中式芝士, 所以貴少少。
回覆刪除[版主回覆05/09/2012 09:48:16]叫佢用黎送餅乾
[五島回覆05/09/2012 00:53:12]係呀, 放係公司用0黎招呼d俄羅斯客, 哈哈~正。
[版主回覆05/08/2012 09:07:07]係咪拎中式腐乳去呃鬼佬既意思呀？
看相. 那碟菜連十元都不值. 好似被人吃了一半咁 ><
回覆刪除[版主回覆05/08/2012 10:23:36]我發誓我一啖都未食
樓下阿老闆回覆仲要話算係咁。
現在物價高漲，但都無理由10蚊加到17蚊
回覆刪除[版主回覆06/05/2012 09:26:10]仲又煮到超級無heart，我真係嚇親！
d菜又黃又乾，先不要說價錢，看樣子我已覺得不值得吃。
回覆刪除[版主回覆06/05/2012 09:25:37]咪係囉！！！！
白烚都夠敢死收咁貴！