Related Posts with Thumbnails

Pages

2011年6月16日

盛八日式燒肉店:還請自重!


因為見到OpenRice中好評如潮,更獲《OpenRice優秀開飯熱店大賞》,便抱著期望去嘗。豈料,失望得要回來要在OpenRice註冊戶口,寫我第一篇的食評。


先不說地點是有點太偏僻,畢竟那的確見人見智,但一進門便嗅到死老鼠的氣味,那是怎麼了?那臭氣瀰漫於整所店子中,連在燒烤的途中也時不時嗅到,配合著幽暗的燈光,害我一直注意著我的腳邊,怕有異樣。在如此的環境下進食,真是還沒吃已開始倒胃口。


再下來是食物。當日我們二人點選了午市的二人套餐,HKD198含和牛小排、柚子胡椒雞、生姜豚肉、鹽燒牛舌,及沙律、和風蒸蛋、白飯、餐湯、汽水或甜品。肉類的部分,只能到不過不失的程度,問題出在燒網上。試過在伊呂波燒烤的朋友都會知道,網狀燒烤爐是應該不會黏著肉的呀!但盛八的烤網卻大黏特黏,我們亦不得其解。而沙律及蒸蛋,也只是到「不難吃」的水準。


事實上,以上所有均不是最不堪的。最氣人,是那碗飯──打著日本菜的旗號,也索價近百元一位,居然連一碗珍珠米飯也不能提供!這有道理嗎?!光從一碗飯,已叫人覺得餐廳並不尊重它的客人,甚至沒有尊重自己。就算裝潢得如何似日本餐廳,名字改得有怎樣的日式風格,傳單上寫著多少日文,沒用上日本米就已不能稱作日本菜了。


6 則留言:

  1. 幾年前食就 okay, 依家唔得啦....
    [版主回覆06/17/2011 10:27:00]係??幾年前食有冇珍珠米?

    回覆刪除
  2. 一分錢一分貨啦小姐,咁多野講一陣比人點相,下次真係整D老鼠肉比妳食,食鬼死妳呀。(手指尾插鼻哥窿 )
    [版主回覆06/17/2011 10:27:00]點我相ok喎,反正我唔會再去。
    我最唔鐘意係咁既舖頭都可以係openrice咁多好評,原來係因為佢block左負評--我寫左篇野佢唔批登。
    HK100/人食個”拉住”唔係平架下嘛?!

    回覆刪除
  3. 所以小弟從來唔睇open rice,唔知點解身邊好多女性友人成日將佢掛係嘴邊。     一百蚊平啦,聽講有人使二百五食件餅添呀(逃)~
    [版主回覆06/17/2011 10:40:00]HKD250點止食一件餅丫?仲有果茶x2/兩件大餅/同重點係大家都金精火眼控埋個芒睇既服務員喎!!
    以marketing黎講openrice係做得ok,但只呢一次佢唔批我篇負評文之後,我又用力負評佢!

    回覆刪除
  4. 有 大陸 珍珠米, 我仲記得黑豚係堅料, 幾好食
    [版主回覆06/17/2011 10:41:00]e...我好care日本菜既米飯,所以其他野好食都係唔合格的!

    回覆刪除
  5. 死嗱!!!!我都係幫凶, 非常之對唔住, 估唔到係咁不負責任!!!點對得住客人, 我寫過幾篇openrice食評同yahoo影評都無登出0黎, 最無厘頭yahoo影評果d賣飛, 補習廣告都可以出到。
    如果咁講, 果d咩宮物宮嘅韓國自助燒咪仲好過佢, 我要一定一定親自試過先推介出去。
    [版主回覆06/17/2011 14:04:00]雖然我的確係因為你推介而去openrice search,但真正推我一把係openrice既評語!我都好嬲丫呢單野,我回信去openrice話:唔怪得呢間野評值咁高啦,原來Block野負評,又唔怪得佢攞乜鬼《OpenRice優秀開飯熱店大賞》啦!
    你講得岩丫,唔見得高麗苑有衰過佢丫!都係返去伊呂波食...好得,建議五島桑可以去試下!

    回覆刪除
  6. 對,我非常討厭它們的店內的燈太暗了,令我看得很辛苦!
    [版主回覆07/17/2012 18:45:17]大佬要CONFIRM塊肉得未架嘛

    回覆刪除

隨機文章

Recent Posts