雖然網友說大阪梅田的KFC一般而已，但講真，唔好講笑，我在東京原宿的那間吃過，比香港的KFC好吃上百倍啊！！！
兩隻雞搥炸得剛好，外皮不會過厚亦沒有粉（炸粉）肉（雞肉啊）分離的情況；新鮮熱騰騰地冒著煙，加上一點點香辣，坐窗邊居高臨下地看著原宿街頭，再喝一杯咖啡、吃一口鬆餅，旅程中有這樣的一頓下午茶，足爾。
〔圖：這個很貼心呀！〕
*****
半離題一下，香港的肯德基是要倒閉了吧？！連麥當當的雞翼也比自稱「We do chicken right」的炸雞專門店煮得好很多，真想知道那份「right」的自信從何而來。
發表文章
攪錯!!!相差咁遠嘅???妳果間成間高級餐廳, 我去果間正宗快餐店咁款!可能歷史耐D, 所以舊D, 下次再試其他縣。
回覆刪除香港都有好食嘅KFC嘅, 我記得又一城果間好D, 其他真係...唉!!
[版主回覆05/03/2011 16:50:00]唔係掛，我以前成日食又一城間KFC，都唔係好掂架咋喎！食過最難食係灣仔個間，明明已經人流咁多，仲可以呢唔新鮮．．．仲要有好多油係皮同肉既中間．．．
所以我去呢間原宿KFC絕對係驚喜！等我再發掘下邊間好食先。
我而家苦惱緊七月去關西好定關東好．．．
我食過最難食係黃埔大眾書局隔離果間, D雞凍嘅都夠胆死!!我都唔啱嘅, 只食過梅田1間就下定論, 我都要試多幾間。
回覆刪除我比唔到意見妳去東定西, 不過如果妳去西, 我會全力協助提供妳想要嘅料。
[版主回覆05/04/2011 09:57:00]凍炸雞咁有張力吖？
關西我都無去六年咯。不過我真係好掛住東京喎又．．．但係又好耐無去大阪囉．．．點算呢．．．
妳地兩姊妺快D去日本住啦！ They are waiting for both of you. Hope this dream come truth for both of you.
回覆刪除[版主回覆05/05/2011 14:14:00]有咁易啦喎．．．
成您貴言。我都想緊法子靠近我既”祖國”。
前排佢咪整個咩"香港風味"還是什麼的，我心想：唔係呀，我要找尋本土野我去茶餐廳啦，我使乜走o黎食 美國 肯德基家鄉雞呀~
回覆刪除[版主回覆05/05/2011 15:17:00]噢，講開，kfc既飯同通粉真的史上最難食既野！比起麥當薯條更難食！
最近我覺得肯德爺爺過左檔去同麥叔搶做代言中，因為麥記新出個雞拼盆真係幾好食喎又。
連FCK都好似咖啡室咁,未食都覺得正啦>0<
回覆刪除[版主回覆06/13/2011 17:06:00]係丫！佢既咖啡杯都好靚，真係好似去左cafe咁。