Related Posts with Thumbnails

Pages

2010年5月13日

我做過的各行各業(第一回):導師


 


「十尾廿頭」時,我做過很多很「搞笑」兼不同類型的工作,有如part-time般的長工,有如長工一樣的part-time。每一份工作對我也影響深遠。


第一份是導師類。由私人的教授鋼琴,到受僱地到不同的社區中心教普通話、畫畫、手工藝、英語拼音等等,一個暑假下來全港九也去過。有一次跟Mr. K聊天說起香港有什麼地方沒有怎麼去過的話題,他說:


「雖然我是屯門長大,但近如青衣也都沒有去過呢!」


「我去過。」因為去那邊的社區中心教小朋友。


「只去過沙田,粉嶺側是一個只聽過名字的地方。」


「沙田跟粉嶺我也去過。那時還沒有直接巴士到沙田,要經荃灣轉車。」知道是因為去那邊的社區中心教小朋友。


「將軍澳也是這幾年姐姐搬到那邊去才叫比較熟悉。」


「噢!當年還沒開發時我到將軍澳才真是麻煩透了!」試過是因為去那邊的社區中心教小朋友。


去過各地各區,深深的感受到貧富如何影響著一個人的成長。在灣仔中心的同學們,不是有菲傭就是母親接送,顏色筆都是全新的,還有畫袋、畫板一應俱全。小朋友都很安靜乖巧,跟菲傭說起英語上來頭頭是道;屋邨區域的同學,上下課都是自己一個人歡蹦亂跳的跑來跑去,今天忘記帶顏料、明天帶了可都不全,上課時就繞著桌子飛奔,也有才十歲不到便跟同學單挑打架。作為不想負上任何責任的老師,當然替前者上課是輕鬆安全得多了。


僱用我的是一所專派人到各社區會堂教學的代理。導師第一天上課時把材料運到中心,上好了十二堂課便銀行轉賬發薪;導師的資格如何她亦不在意,教普通話便在電話聽一次就好,教畫畫也不用看我會否畫。有一次她要求我教兒童手指快算班,我聽了之後愣住了:


「什麼?」


「手指快算。」


「那是什麼?我不會呀!」


「不打緊,我明天就將教材送去,呃...青衣的中心,明天妳是去那邊吧?」


「...是,可是...」


「嗯,一小時工資HKD130,連合約明天送去,就這樣吧!」咔。掛了。


想了一下,飛奔去圖書館搜索有關書藉,必須在開課前學會!!如此的情況發生了一次又一次,後來連我也愈來愈大膽,不會畫就先去找教學書描一次、沒聽過就趕緊自學起來,我覺得我絕對是該公司的星級導師!現在回想,當然是要依靠我了,不然這份工誰會做?早上九時去荃灣教水晶花,下一班是三小時後在沙田的沙畫班,教好了就半小時內衝到粉嶺上英語拼音,最後是五時半在灣仔的素描班。


打這種工,我還真笨。可是不打緊,這份工作對我有極度深遠的影響:


我了解到我討厭小孩這個事實。


******


我做過的各行各業系列:


第一回:導師


第二回:油站服務推廣員


第三回:民政事務助理


第四回:政府統計員


完結篇:控煙大使及其他


6 則留言:

  1. 無題
     
    我:嘩,妳根本都唔識妳仲走去教書。
    妳:搵食姐~~~
    我:誤人子弟喎。
    妳:犯法呀!
    我:有無想過班細路既將來呀!
    妳:我想架?
    我:錢唔係咁搵架。
    妳:搵食姐~~~
    我:。。。。。。
     

    [版主回覆05/14/2010 14:23:00]你爭一句:係咁架啦。
    係咁架啦咁響朵你都唔講?我接受唔到囉。
    我好有品架啦叫,我學識左先去教人架!我覺得我唔差得過而家d老師囉。

    回覆刪除
  2. 只是興趣班導師,不算太過份。 你知道嗎?很多幼稚園教師,不單不懂幼兒教學, 表達能力、理解能力很差勁,英文、普通話一點也不懂。 她們是稱職的褓母,而非教師! 其實你都幾叻,起碼可以即學即教..:)
    [版主回覆05/17/2010 08:46:00]係,係呢兩個字:褓母。其實當時我覺得連家長都覺得只係比少少錢黎請褓母。十幾年前,未咁流行要啟發兒童,雖然個兒童連字都未識;亦未咁流行要十樣全能先可以上小學。
    馬死落地行,要賺錢就要咁。

    回覆刪除
  3. 有d小朋友真係好麻煩... 我 試過以前part time 補習小學四年級...
    憤怒... 解決 兩個字組成句子... 點知變左
    我憤怒地解決了隻狗....
    當時我呆左了...
    [版主回覆05/17/2010 08:47:00]係,小朋友既暴力係最完始,我都試過比個小朋友打人個眼神嚇親過。

    回覆刪除
  4. 嘩...成個打工達人咁嘅。都好架。可以增加經驗值。
    [版主回覆05/17/2010 08:57:00]你知道咩係每日任務嗎?Quest式遊戲好多時會有每日都要做既任務,呢種任務容易d,但經驗值少d,每日做每日做,長遠落黎就多exp;除左每日任務,遊戲發展既主線會有不同大小既任務,難好多,但係exp就多--即係犬夜叉成日會係條村度幫人捉鬼仔/超渡,呢種就係每日任務;有關奈落既大單野就係exp好多但係難度好高既主線任務。
    我覺得而家日日月月年年咁做既每日任務。
    以上。

    回覆刪除
  5. 我以為妳講緊以前先係咁。妳依家都係做緊捉小鬼任務??但係捉奈落壓力會大好多架喎。妳唔希望係工作以內平淡D渡過。反而離開咗公司先找尋精彩生活。有工作壓力帶番屋企好悲架。我試過嗱。
    我呢輪可能會靜D。外國又有show。做到死吓死吓。晚上再網上活動。
    [版主回覆05/18/2010 08:55:00]都講得岩既,如果份工好大壓力都係慘既。不過一日八個鐘係公司入面,做自己唔想做既無聊野,都係一種慘。是旦啦,先做住法師個一套先--賺錢至上。
    心果句,我寧願經濟差,經濟唔好又唔會炒我,經濟好又唔見加我人工,咁不如經濟差我清閒d仲好...哈哈哈!

    回覆刪除
  6. 呢份工真係好難搵啱人做喎,除左要港九新界周圍走,仲要識咁多野 (肯自學備課都當係識啦),而每次只係賺百幾蚊,中間撘車時間全部得個晒字。
    不過,我讀緊大學嗰陣都係咁,少少錢遠一遠都會去做。
    講起周圍去,我15歲嗰年都做過一份工係咁……係,係15歲童工,有機會我會寫出黎。
    我了解到我討厭小孩這個事實 << 我都唔係好鍾意細路。
    [版主回覆05/25/2010 10:49:00]係!係細路先肯同佢做,你講出左一個我冇題到既重點:中間既時間係非常極之浪費!好多時我下一堂未到,就只好去大家樂坐,雖然表面上好似時薪好高,但係中間stand by其實都算係工作時間囉!
    算啦,細個當學野。等你個篇童工文丫下!

    回覆刪除

隨機文章

Recent Posts