Related Posts with Thumbnails

Pages

2013年8月13日

2013。7月。高尾山:去日本登高吧!

高尾山成為了近年的熱點,我猜是八王子市産業振興部換上了俱野心的工作人員?不但早前找來了上野里樹當代言人,還讓嵐、ももいろクローバーz都去玩一玩──這一加持之後,全山只要有成員們手指頭碰過的地方,均圖文並茂的:「松潤有吃過這個哦!」之類。

從新宿坐火車來不用一小時,便能在日本嘗嘗登山滋味,而且這個入門級的山比起香港的行山活動,高尾山不但「四時之景不同而樂亦無窮」,沿途還有各種不同的景點,花上大半天遊玩絶對不會沉悶。


從新宿到高尾山口才約50分鐘左右。


七月盛夏,只能想像秋色紅葉的景象。

 
 
上山,有三個方法:用走的(別跟我開玩笑了)、登山吊車及登山纜車。[按:有關登山吊車這個稱呼,那東西,怎麼說也不是車子吧。。。]有了上一次的登山椅乘坐經驗,我發現我實在是低估了我畏高程度;同時又發現了下山要比上山可怕得多,故,計劃是上山是選坐登山椅,下山則試坐登山纜車。
 
 
這,是7X年拍下的照片吧?!
 
 
比起上次大室山,因為高尾山的登山吊車有網在腳下的關係,我等畏高症病患也覺得安心一些。反正,就是不要去想它,例如,不要去想腳下的綠葉,其實是杉木樹頂!
 
 
到了。
 
先是看看地圖。但其實坐吊車/纜車上來的話,路就是那麼的一條,能迷路的話絕對是天才。
 

圖為「たこ杉」,這樹齡450年的巨大杉樹,是高尾山七不思議之。據說在建道之時因為「阻頭阻勢」而正要被砍的杉樹,居然識趣地,在一夜之間根部縮成了八爪魚腳的形狀以避開道路,因而名命為「たこ杉」,即八爪魚杉。然而,我竟然沒有拍下八爪魚腳根。。。


見有開運二字,有理無理先摸摸看看!
 

在進入了「薬王院参道」的入口「浄心門」,道路的兩邊並列著紅燈籠。
 
 
 
在那邊還種著紫陽花互相輝映。

 
 
通過紅燈籠道路之後,就是「男坂・女坂」。左邊的道路是男坂──以凡夫的煩惱數目,108級階梯所建成的登山石級;右邊則是女坂(沒有拍下來,因為只是路一條。。。),是一條較平坦而帶彎度的道路。
 
 
 
「男坂・女坂」之後,有一條很小很小、不太起眼、被稱為「鎖行場」的樓梯,通往「仏舎利塔」,而其中所安奉的,是由泰國王室送來的釋迦牟尼的舍利子。
 
 
在外圍著舍利塔的,是「百観音お砂踏霊場」,細看,上看的觀音像是不同的。
 
而在舍利塔的背後,則放著:
 
 
那是記念:
 
 
還有那著名的硫磺島戰役:
 
 
我相信,歷史並沒有絕對的是非黑白。只是,奇妙地,站在這安靜無人的土地上,自然而然,情緒便沈澱了下來。
 
 
七月,是紫陽花的季節。
 
 
在前往薬王院的途中一直看到這種寫著名字的木牌,那是捐獻了杉苗的人的名字。愈近寺院的,代表著捐得愈多杉苗。
 
 
Caution!這間在寺院正門口的食店,賣。貴。了!
 
 
那個包,尚算好吃;但那冰,真的別在這裡買--圖中那杯500円;登頂後的那間,同為500円,但絕對有大上一倍!!吼!
 
 
呃,是有點不敬啦,可是倆位無論是外型還是形象都很殺的天狗,再配給一個捐款箱,意思是?
 
 
這個地方若然配上紅葉秋色定必美不勝修。
 
 
這在「高尾山頂御食事処:やまびこ茶屋」,是高尾山上唯一有東西吃的地方。店內所提供的菜色均以菜為主,例如咖哩飯就是咖哩「汁」飯,唯一的的葷就是關東煮內的獅子狗「竹輪」。
 
 
白色的那碗是山藥蓉(我們叫作「淮山」),這是首次吃這東西。人們說他很有益,但那痰一樣的食感,抱歉,就這麼一次就好了。
 
 
當我記起高尾山最有名的是蕎麥麵的時候,已經太遲。。。實在太失敗了!
 
 
 登頂了。我不放山頂的照片,請大家自行去觀賞599.03米的景色吧!
 
由吊車到山頂,因為去程是不停拍照的關係共花了2個半小時,但回程則只花了30分鐘左右。
 
雖然我很常聽日本來的女老師說,當日本人、在日本生活是很辛苦的云云,但我還是覺得他們是幸福的。小小的香港,塞滿各式各樣魑魅,假日要找個地方走走也只得換來一肚子氣,也不用說跟本就沒地方好去,結果令到那迷你高達及吹氣鴨,也能有令香港人擠上半天的力量。



35 則留言:

  1. 好感動呀,Ms K終於比心機寫文了...well,其實只係圖多w


    山藥係咪姐係とろろ呀?妳有無好似柏木咁食呀? http://www.youtube.com/watch?v=BV5yY47c3bo&feature=share&list=PLTnoe1_0qtAZjm3P8MtPNlfh1_v3Aleir





    仲間

    回覆刪除
    回覆
    1. 圖多先煩,你荒我真係知曬個D資料啊?!搵料加不負責任翻釋都有排搞。。。

      とろろ食相(長相個相)片我睇過啦,早前比日本網民(女人限定掛)鬧爆架嘛!點呀,男仔睇,有冇FEEL呀?

      刪除
    2. 另外,乜釋迦牟尼唔係印度人咩,做乜由泰王送O黎O既?

      唔錯,幾エロ呀w




      仲間

      刪除
    3. 原來呢佢遺體可以燒出好多粒舍利,分散係各地....我一睇都覺得有古怪,.COM下又真係有講架喎....

      噢,你去睇下壇蜜大姐姐,個D先叫工口。佢上堂本個集都幾好笑W

      刪除
    4. 我發現我係壇蜜未紅之前有係深夜節目見過佢w

      情熱大陸有一集講壇蜜,不錯看。





      仲間

      刪除
    5. 都唔知佢D濕度係點黎,可曰媚在骨子裡,又或曰姣到出汁。佢有腦架喎都,先頭日本(相信都係女人)網民一面倒咁喪鬧,自從佢上多左節目發覺佢係聰明女人,就開始轉風。希望佢可以接杉本彩班。

      BTW,個套我們都係超能力者,我居然睇睇下飛飛下都睇到第7集!!

      刪除
    6. D人話佢有昭和風味嘛。

      我未睇呀,唔得閒...想睇夏帆耍惡w





      仲間
      仲間

      刪除
    7. 定想睇夏帆的小褲褲W
      其實佢真係好鬼似綾瀨遙

      刪除
  2. 妳指神似定樣似先?我唔覺樣或身有忽似喎。



    仲間

    回覆刪除
    回覆
    1. 哎呀,又新增留言...



      仲間

      刪除
    2. 真係架!http://girlschannel.net/topics/9107/
      佢"工作"樣就唔似,但上節目見到郁緊既,係冇防備下係有似的。

      講開又講,其實綾瀬はるか胸部仲大過佢wwwwwww

      刪除
    3. ...那招,我以為妳講緊夏帆似綾瀨遙w





      仲間

      刪除
    4. 話說HKT有個似石原さとみ喎。





      仲間

      刪除
    5. 哦。。。對眼:http://i1.ytimg.com/vi/P2-odxhJLII/hqdefault.jpg

      全相真係超唔似喎。。。

      又講開,果日睇SKE,有個女仔去關八度比賽軟骨功有冇睇W
      佢個身軟到好得人驚呀!!!
      同埋48GROUP果然係人多,總有一兩個書法勁彈琴勁,仲有冇咩奇人異士咁呀?

      刪除
    6. 無點妳,真係似架。

      咩有個女仔...人地假假地總選排16架,妳這個假飯w

      有俄羅斯人,夠勁未w





      仲間

      刪除
    7. 講幾多次要,我不是飯。只係唔抗拒。
      個俄妹唔係一開波就OUT左?

      不過我都係有眼不識,16架原來。。。

      刪除
    8. 當別人自稱對AKB素有研究,三不五時上鏡、推文抽水的時候,妳絕對可以被尊稱為飯了!w

      無呀,人地係HKT玩到風生水起,前排仲上左Downtown個節目被打頭w

      係呀,須田亜香里,都老將O黎架喇。




      仲間

      刪除
    9. 唔好將我同D"知名BLOGGER"一齊黎講好喎

      刪除
  3. 剛睇完GTO講呀禿頭校長話自己係爬山達人要去幫手救人,D女教師就話佢好似係爬富士山咋喎,另一女教師就話邊係,佢好似只爬過高尾山咋,當今日打風順便放半日大假,想上網搵高尾山時,妳就是說高尾山,太巧合,啱晒。
    我慣咗一開機睇完我blog就去妳處。

    回覆刪除
    回覆
    1. 有冇咁橋呀?
      最近又要考試覆遅左你,個咩那SIDE。
      咁你一定唔係日日開機啦。XD

      刪除
  4. とろろ 食得多就會喜歡架喇.
    我覺得似鼻涕多啲.

    回覆刪除
    回覆
    1. 鼻涕同痰係同科的啦。。。
      食得多,咁要食幾多。。。真係堅噁心喎但係。。。

      刪除
    2. 但係配飯食好啱喎, 以前頂唔順, 依家就好喜歡食.

      BTW, 舊屋業主拆樓呀, 好彩你搬得早.

      刪除
    3. 我等個BACKUP等到佢死左先有。。。真係。。。

      刪除
  5. Yahoo blog玩到年尾呀, 我要來做妳鄰居, 終於都完。

    回覆刪除
    回覆
    1. 終於瓜柴喇,Yahoo Blog早死早超生啦,等佢死都等左好久喇。

      btw,你篇進擊寒果人點呀。老老實實你去左幾多日架,寫一日要等一個月,咁今年都寫唔完架喎。。。






      最近哈HKT的仲間

      刪除
    2. 於終有得BACKUP,真係人之將死其言也善。

      。。。我考完試,就出架啦就。

      刪除
    3. 呀,HKT,D女仔好似粗獷過東京個D咁。
      我唔係飯(先說),只係大約識鹿兒島黎個果。瘦到咁,陰功。

      刪除
    4. 唔該五島兄搬完教我點「輕鬆搬家」。咁好心,果個Xuite隨意窩係唔係同Yahoo蛇鼠一blog,殘缺不齊架?另外,個人屬意「痞客邦PIXNET」,實在對blogspot無乜興趣。





      期待HKT雄霸猜拳大會的仲間

      刪除
  6. 高尾山?係咪周圍都會見到上野樹里的?

    另外,Y!Blog今天宣告倒了,慶幸大家走得快 :)

    回覆刪除
    回覆
    1. 有得BACKUP啦終於!!

      刪除
    2. ....旅行個部分因為有好多相既關係好難搬呀...要再貼再上載再搞格式...所以我覺得你超級勁...

      刪除
  7. 回仲間
    我去咗5日囉, 都唔知去邊度埋尾, 我仲有好多野想寫同分享架。
    你依家鍾意HKT呀, 我出年去福岡, 希望快D到新地方寫啦。

    回覆刪除
    回覆
    1. 唔該曬呢位客席主持,好幫到手。

      刪除

隨機文章

Recent Posts