Related Posts with Thumbnails

Pages

2011年9月22日

東京。節電ing:血色酒店



這棋局的第一子,我是下對了的。

反覆旅日,哪裡能訂到最划算的機票、酒店,我都心裡有數。也許是在東北大地震之後遊日旅客大幅下滑的關係,我平常習慣入住的酒店有特別的優惠,那比往時更便宜但房間等級更高、空間更大!我很高興,終於能不用再度入住semi-double room──中釋「貧民區」──了!噢耶!!在打進了資料之後,有一堆小字條款,一如所有agreement(除卻買樓時的那些),我都沒細看就click、click、click地接受。

雖然我沒細看條款,但這棋局的第二子,我回想起來還是下對了的。

到埗,它沒有讓我們失望,又或該說,除了棺材旅店,己想不到有其他正常的酒店的房間可比semi-double提供的人均空間更小。那正規的雙人床、LCD TV、獨立的化妝間,還有能打側手翻的通道及有如一張semi-double床大小的衣櫃,噢,用這個價錢便能得到,那睡了多久小床所修成的福氣?慢著,莫不成、莫不成,這間房間有詭異?!

沒有。但在我住過了以後,就有了。

(從這邊開始,我會說一些女生的事情,如果你會視此為禁忌的話,可以止步了。)

話說,到達東京的第一天,也是我好朋友來的第一天。我是會血崩的那種體質,痛昏是常有的事,就算沒到那程度,當要失血時,身體的能量就似沿著那紅色的小河,一絲絲地流走消失。這就是所謂的「扣血」了,「扣血」是會失去HP值的,HP=0就save point再見。體力透支令我一睡不起,到早上太陽高掛的時候,我的意識才慢慢注入體內,漸漸積存到差不多了,突然「咻」的一下,我終於聽到了那來自身體最深處的呼喚,一聲聲地叫我「起來!快起來!」。

我驚醒。在睡夢中到清醒之間的零點幾秒,我已知道事情到達了不可挽回的局面。我極速地掀起棉被,也不用查看便衝進浴室,沿途還似十足嚴重負傷者般留下血路。

「透左底...」外面傳來Mr. K的話語。

「等等,等等,我這邊也有事情要處理...」

到後來我才深深的明白到「透左底」是有多「透左底」。那簡直跟兇案現場沒兩樣!被單就不用講了,連棉被明明是在我身體之上的也掛彩了;被單之下原來有一張略厚的保潔墊,亦失職地保不了潔,以至床墊也大範圍完全地染血!那種程度,連用紙巾抹抹都覺浪費力氣。

我成年之後就沒有如此失策過。或許,這房間真的有詭異,我昨晚在夢中大戰Freddy鎩羽而歸而弄得渾身是血?

好吧,也只得認了。我在出門時於房外掛了「請清潔」的門牌,是對不起清潔阿姐但也是沒有法子的事了。吃好了早飯回來,不但牌子尚在,床被跟處理兇案現場的方式一樣──為免破壞證據而原封不動的保存。只得案頭的電話一閃一閃著小燈標示著「有口訊」。

「那個,我是房間XXXX的住客,有口訊?」硬著頭皮打去酒店的接待處。其實呢,我心裡有數。我當時只得一個小小的卑願:希望接線員是女生。

「是的。」喵的!是男人!(噗!在丟臉指數x怒氣度均破表的情況下,我不由得生起這男人的氣來。就是HP值在25%之下必須開大絕保命的感覺。)

那男的表示,我在網上訂購的住房之所以有此優惠,是源於「沒有每日房間清潔服務」提供,只局部性地幫忙清垃圾及換清潔毛巾,如要清潔房間,就只得等到大後天了。

大後天???

「那我把大後天的清潔日挪到今天可以嗎?」

不可。

「那把大後天的清潔日挪到明天又可以嗎?」

不可。

「......我記得你們有位員工是位懂國語的女生,讓我跟她講一下可以嗎?」這個要求可以了吧!

電話的另一端,終於在我的乞求下出現了女性的聲音。我忍不住跟她講,這個血案現場是不可能等到大後天才清理的,外加「血漬放幾天你們的東西會很難洗啊!」這種軟性的威脅。結果呢?

不可!

我清了清喉嚨,咳,看來火鳳凰式必殺技是要用上了:「付款的話...」

在擾攘了半小時,問了又問,電話接線員轉了又轉,直到整個池袋太陽城太子酒店的全體同仝均知道XXXX號房有個女生來月經搞得滿床都是血之後,我花了3000円為這件事拉下了舞台幕──在完全閉幕前,我見到了職工名單,那是放在房間內說明誰誰會是負責清潔的員工,喵的!又是男人!自那天起,我都不敢正臉看清潔房間的職員。
只有一點,小小的一點,讓我的心好過些。
時間軸向後面推回去。在我們企圖了解案情時,不是把床單掀起細看被褥嗎?那歷史悠久的床褥上,除了當下的血跡,還有不少咖啡色的污漬!在墊褥上,那鐵鏽的顏色若隱若現地分怖並集中於中下方的位置,似乎浮現了一個又一個女生,在那狼狽不已的一刻的怨念。


6 則留言:

  1. 首先,殺人犯唔第一時間去警視(前)廳自首,拍下個蘿柚走左去食飯為之奇。第二,雖然明白清潔服務o既編排有其系統,但現實當中總有突發情況,咁o既情況底下做野與其叫「靈活變通」,更加係「理所當然」吧。。。佢地o既死腦筋真係叫人無語。
    [版主回覆09/26/2011 10:21:26]係丫啊東野桑丫。其實以文學論文學,丫東野桑既小說都仲係有所欠缺。宅男好丫,唔好成日出街沙沙滾丫。0.0v
    [仲間回覆09/23/2011 19:54:54]原來又係阿東野先生呀。。。都ok多架,宅男嘛(淚奔)。
    [版主回覆09/23/2011 11:41:07]同意,日本人既守規同死古古係一把雙面刃。你講緊既,係東野圭吾所寫,收錄係<毒笑小說>入面名為<程序警察>既故事。我只係睇左小說版,但睇緊時我覺得呢本<毒笑>好有奇妙物語既氣質,果不其然就真係有拍成劇。講開又講,你都睇幾多日劇架喎!係呢,唔知玉置浩二幾時真係會殺左青田典子呢,唔知點解我覺得佢有十足殺妻犯既氛圍,哈哈!!
    [仲間回覆09/22/2011 23:29:57]令我記起某年o既世界奇妙物語,玉置浩二殺左老婆想話自首,點知班差佬只識按手冊辦事,一切照程序走,要佢先返屋企等佢地上門調查邊個係犯人!?而家又唔係倒瀉可樂,事有緩急輕重,都講到明「血呀~血呀~」都可以話唔得,真係吹到啤啤聲。雖然死腦筋唔只佢一個,不過係日本特別多。
    [版主回覆09/22/2011 22:37:48]還要,佢以所以唔肯清潔房,同間房整到有幾污糟係無關(而事實上都冇人目擊過,因為間房冇人入過。),只單純我agree左第二日冇清潔服務呢個agreement。
    [版主回覆09/22/2011 22:28:38]第二點:唉,雖然我拜大日本教既,但呢單野我都覺過分。其實當中係有矛盾既,因為佢地明明係以服務體貼細心為教條,而我都只係想改清潔既日子,都唔可以。其實佢肯收錢清潔係叫讓左步添架啦!原先冇架!
    [版主回覆09/22/2011 22:24:07]Σ(・□・;)你睇開邊套推理劇個犯會第一時間自首?唔係唔係,等等等等,我意思係,掛個牌出黎叫人清潔唔係當報左警?

    回覆刪除
  2. 令我諗起單舊事, 我以前做酒店供應公司時, 上珠海做嘢, 搭上搭幫公司嘅行家係拱北賓館訂咗間房, 到佢退房後我朋友同我講, 係床邊有堆屎用張被蓋住, 我果時個心情好難形容, 果間賓館仲要係我經常出入嘅地方, 果單嘢到依家仲係一個謎。咩人0黎0家!!!
    回上篇, 我無見過妳D主管呀, 只係見得多果種人, 一講佢地個衰樣出晒0黎。
    呢排又要應付D俄國人, 好忙!!!
    [版主回覆09/26/2011 10:19:59]今日見到個男人係村巴挖鼻屎...
    [仲間回覆09/23/2011 20:00:42]屎我係一督屎,命比蟻便宜,你坐Benz,我挖鼻屎。。。(笑)
    [版主回覆09/23/2011 11:46:01]唔係掛???你朋友唔大聲呼叫同叫唔好???自從呢件事令我有左一次揭起被單既經驗之後,我都覺得就算日本係一個咁乾淨既國家,佢地酒店既床都得人驚...諗諗下都係既,咁多人瞓而床肉又洗唔到,血漬都仲好d(個人覺得丫下),如果係老人家/細路失禁,或許有人係上面嘔過,咪超級得人驚??更加唔洗諗大陸個d得人驚x10既野啦!係喎,開show喎!

    回覆刪除
  3. 咁...挖完呢???係咪用鼻屎寫字!!!
    [版主回覆09/26/2011 11:14:19]知醜既,見到我行過佢立即收手。可憐我因為冇位既關係局坐佢隔離,我起勢目及佢d指甲...

    回覆刪除
  4. 唏~講單嘢過妳聽呀, 我呢lunch時係公司附近間漫畫店入咗會, 兼買咗成套天堂之吻中文版漫畫呀, 5本$170(原本要$190), 我第1次成套買全新嘅漫畫咋。
    [版主回覆09/26/2011 15:36:06]係咪磨沙牛油紙cover個果version丫?

    回覆刪除
  5. 吓!!!有呢個架??唔係喎, 係玉皇朝出版, $38蚊本。
    [版主回覆09/26/2011 16:17:16]http://blog.yahoo.com/wt248102/articles/4714 我之前有講過,個cover係咁架!好鬼靚架!不過你買左都唔緊要啦,你呢d鐵血男兒有冇牛油紙cover都一樣既姐。^^||

    回覆刪除
  6. 妳係咪講果個cover呀, 我尋晚影咗出0黎, 原來第5本個封面有暗花, 我都係鍾意保存好D嘢係人0黎架。
    [版主回覆09/27/2011 10:28:22]去左你度啦^V^

    回覆刪除

隨機文章

Recent Posts