Related Posts with Thumbnails

Pages

2010年6月16日

輸人唔輸陣之「書陣」


......好爛丫呵個gag?


咳咳,anyway,經某君指出,才驚覺最近買書金額高達六、七百元,圖中只包含近日看完的。其實書兒們要是圖書館有的話,我都是用借的啦!但因為我愛看的小說種類在圖書館中算稀有,所以才迫於無奈...OK不要打我,我招,所以才多個藉口買書。滿意了吧?


說到圖書館的書,有事不吐不快。在書頁上有咖啡漬、茶漬那也還算了(就讓我神經大條得想像不到那啡黃色的漬有著其它千千萬萬的可能性、可塑性),鐵鏽色的血漬就剛好配合推理小說的劇情吧,但...為什麼,到底是為什麼,到底到底是為了什麼每一本在圖書館借回來的書都有鼻屎??????


書,本來我是要拿著它抵著下巴或額頭沈思;本來我還要細看每一頁紙,看看有否美麗塗鴉讓我沉醉在藤井樹vs藤井樹的幻想中;本來我還會湊近它,讓我如癮君子般沈溺在紙香當中...


咁而家算點先?


11 則留言:

  1. 攞D鼻屎去化驗,查出邊個係經手人然後要佢比安家費。
    [版主回覆06/17/2010 15:55:00]佢比安家費我?我比佢丫下嘛!唔搵人搞掂佢都對唔住個作者啦。
    btw,你可否幫忙?

    回覆刪除
  2. 吓,D鼻屎無我份架。
    [版主回覆06/18/2010 11:43:00]叫你去搞掂d人姐,洗乜咁驚丫,你好有可疑喎!

    回覆刪除
  3. 我都好怕去圖書館借書,拿過這些書後,手總是會感到少許痕...
    [版主回覆06/18/2010 11:44:00]但係成日買書都唔係好掂......
    我所有係圖書館借返黎既書第一件事都係用酒精抹一抹,但係內頁就冇法子啦...

    回覆刪除
  4. 圖書館d書........ 真係好慘!~...
    我試過借圖書館d書... 無左十幾頁!~
    [版主回覆06/18/2010 12:05:00]
    唔係掛!咁慘??好彩我又未試過。
    我試過一兩頁,都已經想殺佢全家咁濟...

    回覆刪除
  5. 咩呀,我無鼻屎架。。。。。。。。。
     
     
    抹酒精好似有D過火位喎。。。講開圖書館借書,細個果時有次圖書館打電話(定係寄信!?)叫還書,我老媽子發爛炸係電話話:還左啦!然後隔左無久,係Sofa底搵到果堆書。。。。。。
    [版主回覆06/21/2010 09:46:00]真係會用酒精抹一抹,只要你抹過一次,再睇下張抹左既紙巾,就會永遠永遠都第一時間用酒精抹先掂。
    你個case,如果你再去借書佢都係要你罰錢先可以再借架喎!不過以前冇電腦幫,真係有可能會佢地自己整唔見本書。
    我試過去租書店借書唔記得還其中一本(還其他果時佢又冇話我喎!),到有一日執開野時搵返,但係間租書店已經執左笠啦!

    回覆刪除
  6. 如果一d極度經典又出名的書,而我又自知唔會買,咁唯有……上網找找。再唔係等電子書再成熟普及,到時就可以經網上購買,確保乾淨。(書局新書都有機會因為上一手有一只唔乾淨的手翻過 )
    [版主回覆06/21/2010 09:51:00]唔解自知唔會買?
    雖然我都有睇電子書,但係始終覺得實體書有質感,我要聞書架嘛!
    不過我都等緊果一日來臨!

    回覆刪除
  7. 你的書陣都唔錯ya!! 下次我影比你看看我手上的書陣!!! hahahahaa
    [版主回覆06/21/2010 09:52:00]快d影啦!
    我冇影我書架,同我娘家個書架。我既心願係所有既書可以齊齊整整咁一齊。

    回覆刪除
  8. 我講租漫畫店。上次我睇睇吓其中1期犬夜叉。有1頁比人剪咗個頭。好彩同阿姨熟。知我為人。呢D事真係隨時都會有無謂嘅損失。
    [版主回覆06/21/2010 09:53:00]唔係掛!不過你上手佢都冇check,咁到你還時佢都未必會check啦!
    屈你要你買呢d事唔會發生架下嘛...

    回覆刪除
  9. 五星下的三星2010年6月20日 晚上7:03

    而家真係少買書,好似早幾年熱爆的哈利波特,買完,睇晒,咪就係一大套垃圾?近日先送走畀人唔好阻我有限的空間。 所以那些經典的大作都係放在圖書館,得閒借看又或以電子書代替,反而工具書因為偶會翻看,實體書較方便。
    [版主回覆06/21/2010 10:13:00]唔,我唔係冇問過自己,點解要咁執著於擁有一本書?明明好多睇過一次就唔會再睇。但當佢地係書架時所帶比我既滿足感,非常不切實際但又令我好快樂。唔係就唔會發生呢件事啦: http://hk.myblog.yahoo.com/meiji_fooa/article?mid=1764 其實我戒緊架啦,好多書睇完麻麻既都賣返出去。 反而我好少工具書。而家有難題時第一時間上網check,80%解決到,都唔洗買書學啦!
    送書??下次有書送記得叫我,我都想執書丫!

    回覆刪除
  10. 五星下的三星2010年6月20日 晚上7:22

    原來你亦曾受三毛所影響,我當年就係因為睇完佢講乜鬼書都睇(英文書睇唔掂 ),而佢講過見到好書要買,否則遲d後悔,就係呢個價值觀影響左我咁多了,有時甚至買埋一d呢刻覺得冇用,但估將來有用,至終一直未睇過而掉的書,真係畀佢累死。
    [版主回覆06/22/2010 14:27:00]我受佢影響,好響往沙漠(錯別字記唔起...);最大既夢想係流浪;期盼天涯海角都有一個家...我覺得我果d莫名其妙又唔多等洗既正義感都關佢事。
    我病入膏肓好多。
    >>買埋一d呢刻覺得冇用,但估將來有用,至終一直未睇過而掉的書
    做乜掉?可能將來真係有用呢!!
    我有好多覺得呢一刻唔好睇,但可能我將來會覺得好睇而唔捨得掉既書......

    回覆刪除
  11. 果期上次租可能係戰國時代。佢又唔會屈我買嘅。我剪都唔會剪犬夜叉啦。我有日上咗去tomato books打書釘。發現咗有套攪基版one piece。有冇見過?畫功同原裝差唔多。但山治同卓洛...跟住又同路飛...。好嘔..巳經出咗好多期。好似叫"goma海盜團"。
    [版主回覆06/22/2010 14:36:00]哈!係喎!犬夜有乜好剪?!
    >>攪基版one piece
    爆想睇喎!不過等我幫你正名,Not攪基版one piece,係BL版One Piece。BL係咪好聽好多呢?
    山治咁鐘意女人,冇可能,係都係卓洛同烏索普啦!!(講出黎都想嘔!)咁同索柏咪人瘦??

    回覆刪除

隨機文章

Recent Posts