Related Posts with Thumbnails

Pages

2012年4月21日

往伊斯坦堡的十二小時

 





魔域大冒險於一年後升級加碼。自上次出差去上海忍不住在飛機中掉淚,加上她親眼相睹我拼命忍尿忍餓打死不上酒店以外的廁所及不太吃東西,我老闆生怕出人命不敢再讓我往中國去。一年後那記憶似乎淡忘了些,於是三月又叫我往上海,我爽快答應時她卻不知怎地猶豫了,最後,她用逗小孩般的語氣叫我去土耳其。


我不懂,旁人對出國出差總趨之若騖,我卻如吃砒霜。出差不是去旅行,且跟著老闆出門有如開工120小時,超時加班到極點!雖說不願意,上司問起上來我都總說好,頂多在機上痛哭,反而,到她害怕了。
 
那將近十二小時的飛行時間,超級夠嗆!比較安慰的是,因為高級上司去坐她的商務客位,不用全程跟她四目交投。我如臨大敵般準備好耳塞頸枕、拖鞋、眼罩,妄想可靠近熟睡多一點點。我坐在三人的靠窗座位最內的那個,是死心了要憋十二小時──我真不好意思要人讓我出去上廁所,但同時也想有牆靠著比較有安全感。
 
坐在三人座位中間的是一位極典型死肥鬼佬。他光坐著,那肉已在自身的座位中滿瀉,佔了我的四份一空中領域;只是好好的坐著罷,兩腿之間因為太多肥肉而合不攏,恣意妄為的以高於90度角地打開,佔了我三份之一的土地領域。也算了,我出國就脾氣好起來──不夠打呀──就忍耐著忍耐著。我有圖為證。

 
 




這照片拍起來不怎麼樣,但事實上:


 
 


我把上述的四件法器都帶上。睡一半突然覺得大腿被碰到了!我嚇得立即脫下眼罩看,原來他大腿放鬆至120度大大張開,觸到我的大腿。好吧,我貼近窗挪了一下。再睡一會又突然覺得腰部被碰到了!我又嚇得立即脫下眼罩,原來他睡茫了手肘又張開了些,觸到我的腰。好吧,我盡我最大的能力貼著窗好了。如是者以上情節不停LOOPING,直到我第八次忍無可忍地再脫眼罩看他是怎麼了:嘎!他連衣服都脫了耶!!


這次我倒是笑了。荒謬至此不笑待何時?我忍著睡意要把電話拿出來拍照供大家(就是你們呀!)欣賞。開了鏡頭後我不得不細看──那如豬皮慘白的肥肉,打了幾個摺隨著呼吸抖動,上面不是有暗瘡印就是難以命名的斑,還有豬毛般的汗毛,向著四方八面愛生哪就生哪。看著這情境我彊直了三秒,就安靜地把電話收好。噁!我才不要這張照片姦污我的電話!!所以,抱歉了各位,我沒有圖為證。


這旅程還沒到達便充滿樂趣,我對往後的日子還真的抱滿

期盼」呢!


6 則留言:

  1. K小姐,比人阻住瞓覺都咁好脾氣,你點忍得到架
    我就啱啱相反,止要有人阻住我瞓覺,anytime,anywhere,我都一定同佢嘈過
    如果殺人唔犯法,我一定會劏左佢
    "阻我瞓覺者,格殺勿論!!!WAHAHAHA..."
    [版主回覆04/22/2012 19:18:37]T-MAN係男人(因為你有個MAN字我私自估計)就唔一樣啦,我只有眼淚呢項時得時唔得既武器。係香港我會知道有咩辦法保護自己,但當獨自一人到外地時,就只好多忍耐。仲有一點我上面個故事無講--佢飲左四五支(小型)白酒!係咁問空姐攞飲完又問又飲過,飲到一身酒氣。咁既人,我真係冇胆開火還拖。。。我無用。。

    回覆刪除
  2. 如果咁慘真係唔夠妳0黎, 我上次頂多都係去大阪比個印籍人士徐咗對鞋放係我個位處, 兼係度前後前後咁搖唔知做咩, 我只忍3個幾鐘啫, 嘩..妳成10幾個鐘喎!!!
    [版主回覆04/25/2012 13:43:44]同你一樣,我都係坐過一次(一程)咁大把,因為去程又係delete flight要我坐下午既機,都痴線!除非冇得選,點都要比多少少錢坐cx或其他。一陣上唔到機就因小失大!
    聽過唔少人都話ai有鋪cancel flight癮,去旅行有乜謂呢?我上次唔知係個人偏見定點,覺得窗爛爛地有雲飄入黎。
    [五島回覆04/23/2012 01:10:52]講真AI真係坐過一次咁大把, 香港去果程8點幾機, 去到話班機仲係原點無起飛, 結果追位坐1點幾日航商務位, 返港至正式領教到過一程嘅AI, 果set飛機餐正到, 食完印度咖哩飯甜品係荔枝, 仲幫妳去埋核, 真細心, 全機仲有陣陣油香, 以後咪攪, 之前果單係坐CX嘅, 個印籍人士以為我係日本人, 知我係香港人即刻自閉練功。
    [版主回覆04/22/2012 19:20:23]點解我覺得好好笑咁既尤其前後搖個PART!你左AI咩?而且開左HONG KONG AIRLINE去大阪喎,多個選擇唔洗坐咁得人驚既AIRLINE啦!

    回覆刪除
  3. 包到自己成個中東人咁只係露對眼呀嘛,一碰到妳就要佢自宮
    [版主回覆04/22/2012 19:21:14]但係係佢自宮前我大概已經焗死左。。。

    回覆刪除
  4. 十幾年前試過同老細出Trip,已經怕怕,惡夢一般,以後都敬而遠之,歐洲、美國、東南亞我都不肯去,由得老細去過夠,反正他是太空人,成日鐘意飛來飛去。
    [版主回覆04/25/2012 13:46:28]我其實不太明白--愛去旅行可理解,但愛工幹?我去前,老細為”呃”我去說:it's a nice place!我心諗,管你去馬爾代夫出差,不是跟喜歡的人去,連落樓下都厭遠!

    回覆刪除
  5. 小姐,你已經被拘捕,罪名:飛機上使用手提電話XD
    [版主回覆04/25/2012 13:47:00]冇呀冇呀!係ipod黎架!

    回覆刪除
  6. 點解你忍耐力咁好?如果隔離嗰個侵佔我的空間, 我實第一時間同佢理論, 我理得你死咁肥就應該 book business class.
    [版主回覆04/30/2012 22:55:03]哎呀,我女人仔驚嘛。。。

    回覆刪除

隨機文章

Recent Posts