Related Posts with Thumbnails

Pages

2011年10月25日

2011年秋季日劇:〈推理要在晚餐後〉




利益申報,我家中有全Arashi的演唱會影碟。但要說是飯(fans)那還未到吧,起碼櫻井翔的〈特上代書〉我便十五分鐘cut劇,松本潤的〈夏虹〉拖拉中撐過兩集,相葉雅紀的〈My Girl〉總算快轉完成(好孩子別學,我中一開始苦練,終於練成此絕活),所以我說〈推理要在晚餐後〉(謎解きはディナーのあとで)可以一看,那應該尚算中肯。


 


看完第一集,我有所悟。此劇是改編自一本同名的輕小說,收錄了幾則短篇推理。推理太短,起承轉合都來不及走一遍便完了,似我這種吃重咸的嫌太淡,而論人物描寫,管家的毒舌也不是真的那麼的毒舌,千金刑警卻是十足的笨瓜,要管家畫出腸子來點明,讀者如我便看得十分不耐煩。可是,當如此不足的小說拍成劇時,卻有空間來補足、有空白來創作。以第一集為例,劇集的添加補完了的我不滿──小說停頓於管家的解說,那句號劃得太過突兀;而劇集則還有後續,解釋了白井鞋子的殺人心理狀態,這才叫作真正的句號。還有,就算管家怎地本事,要單單從千金覆述的案情而作出推理,那是不合理的;而劇則有一異於小說的設定,那便是管家要貼身伴隨小姐出勤,這便能解釋管家何以能料事如神。


 


我的領悟是這樣子的:原來能戲劇化成功的小說,是原著有所欠缺的小說!莫怪乎東野圭吾深受編劇們的喜愛,但宮部美幸卻鮮有改編作品。(按:宮部美幸也不是沒有改編作品,知名的〈模仿犯〉便是表表者了。我想說的是,依比例來說,她沒有被導演編劇所愛著呢。)


 


〈推理要在晚餐後〉利用了小說中最有趣的部分:人物設定,卻同時承繼了那不太認真及認真不起來的迷題。這劇輕鬆看便剛剛好。北川景子比起她在〈零秒出手〉時是胖了些,卻還是非常可愛;梳著近乎中分的瀏海的櫻井翔有點古怪,但那隱隱的幽默氛圍,會讓人想再看下去。如果演貴豪刑事的那位能找來長瀨智也,那就十分完美了,至少,也找個英俊一點的,別來個像馬俊偉的阿叔啊!


5 則留言:

  1. 咁大野智套怪物小王子呢, 有冇睇到呀?? 我買咗未睇。
    [版主回覆10/28/2011 14:38:06]ooops,”閃字傳真機”五個字就比人知你幾大,咔咔咔咔!怪物小王子個定位係細路,取向比xx戰隊更兒童向。咪話,自從大野拍左怪物小王子,睇佢地演唱會真係多左好多兒童。
    [Kazuo回覆10/28/2011 13:09:55]怪物小王子是我兒時最愛的卡通片,廿幾年後看了真人版,真係覺得好"低能",絕對適合放在"閃電傅真機"(依家唔知叫乜)時段播出。
    [仲間回覆10/27/2011 18:34:06]佢有能本事拍乜爛乜。
    [版主回覆10/26/2011 16:00:35]@@到要升佢既地步??佢做新星之金貨黎?我就覺得,佢做夜神月有九唔搭八feel。夜神月喎!
    [五島回覆10/26/2011 14:26:06]唔知點解見面藤原竜也個樣好想升佢, 特別睇新星之金貸果時。
    [版主回覆10/26/2011 11:09:39]嘖嘖嘖嘖,我有support架:http://sokkuri.net/ <-有2816個人個覺大野智同藤原竜也似(72%),但只有79個人覺得山下同龜梨似(62%)。
    [仲間回覆10/26/2011 10:43:35]Oh come on,佢兩個就真係兩個樣喇。。。無獨有隅,我都唔喜歡藤原竜也
    [版主回覆10/26/2011 10:35:37]come on,兩個樣黎架喎!丫大野智同藤原竜也就真係一樣樣,半嵐飯都係咁話。
    [仲間回覆10/26/2011 10:28:01]而,係喎。。。一樣樣?LMAO
    [版主回覆10/26/2011 10:17:01]衝著個收視,我會試第一集...等等!個件唔係yama P黎果喎!係佢個friend龜梨和也。呢件我就真係點睇都唔係太順眼。
    [仲間回覆10/26/2011 10:14:00]山P果套妖怪劇超高18.9%收視喎,有無興趣?
    [版主回覆10/26/2011 10:11:13]唔得,睇左第一集,呢套真係兒童向得濟。
    [仲間回覆10/26/2011 09:48:51](叮噹主題曲)人人睇到嘔白泡,你睇得晒我就話你好。。。LOL

    回覆刪除
  2. 完全睇女主角架炸。。。唔知點解,點睇都睇佢五個唔順超,好難得,係五~個~都唔順超,雖然已經睇唔少佢地o既野。 =_=!
    [版主回覆11/02/2011 09:59:17]我係大島流,人生目標係要完成下克上。
    [仲間回覆10/28/2011 14:55:06]我無乜所謂,如果真係要選一個,我會選大島。理由係妳前田仲大把時間,大島無多幾多年架喇,就好似篠田咁,妳咪比佢囉,做都做比佢啦。
    [版主回覆10/28/2011 08:40:38]e?大島系?訪問下:你想佢攞第一定前田?
    [仲間回覆10/27/2011 18:50:28]大島幾時都咁靚。。。LOL
    [版主回覆10/26/2011 10:32:33]又唔打倒媚韓台啦?lol 個套都ok收得喎,我都會睇下,而且呢大島係個套既poster幾靚,靚過係小田霧入面既佢。
    [仲間回覆10/26/2011 10:25:08]話時話,大島今季都有份,一定追!
    [版主回覆10/26/2011 10:14:26]無言。因為你個心已經比囡囡們填滿左?我而家反而睇smap個五個唔順眼,發現原來得一個靚佬,其他都係黎混,但果個靚佬都開始有眼泡同肌肉鬆弛,令我對人生有所恐懼。

    回覆刪除
  3. Arashi真係好紅...
    [版主回覆10/28/2011 14:39:57]嗯,係我近年治癒之法。

    回覆刪除
  4. 呢套日劇未看, 但有看本小說中. ^__^
    [版主回覆11/10/2011 12:14:08]小說,嘛,結構不夠完整嚴謹。不可能能滿足閣下啊!

    回覆刪除
  5. 但是我買了回家啊~!! my god!!
    >___<!!
    [版主回覆11/22/2011 11:25:17]哈哈哈哈哈,我懂!買了的,就算爛中之爛都要吞下去。

    回覆刪除

隨機文章

Recent Posts